મ. પ્ર. માં ઓટો રિક્ષા અને ટ્રેક્ટરની ટક્કરમાં ત્રણનાં મોત, પાંચ ઘાયલ

મુરૈના ( 13 જુલાઈ ) - મધ્યપ્રદેશના મુરૈના જિલ્લામાં સોમવારે પથ્થરોથી ભરેલી ટ્રેક્ટર - ટ્રોલી ઓટો રિક્ષા સાથે અથડાતાં ત્રણ લોકોના મોત થયા હતા અને અન્ય પાંચ લોકો ઘાયલ થયા હતા. માતા બસૈયા પોલીસ સ્ટેશનની હદમાં સવારે 10:30 વાગ્યાની આસપાસ આ અકસ્માત થયો હોવાનું એક અધિકારીએ જણાવ્યું હતું. તેમણે કહ્યું કે પથ્થરોથી ભરેલી ટ્રેક્ટર - ટ્રોલી બનમોરથી માતા બસૈયા મંદિર સુધી ભક્તોને લઈ જતી ઓટો રિક્ષા સાથે અથડાઈ હતી. આ અથડામણમાં મહેન્દ્ર રાઠોડ ( 50 ) મનોરમા રાઠોડ ( 45 ) અને ઓટોરિક્ષા ચાલક રામકેશ ( 26 ) ના મોત થયા હતા, એમ માતા બસૈયા પોલીસ સ્ટેશનના પ્રભારી વિવેક તોમરે જણાવ્યું હતું. બે વર્ષની છોકરી સહિત અન્ય પાંચ લોકો ગંભીર રીતે ઘાયલ થયા હોવાનું પોલીસે જણાવ્યું હતું. તોમરે જણાવ્યું હતું કે ટ્રૅક્ટર - ટ્રોલી ચાલક વાહનને સ્થળ પર મૂકીને ભાગી ગયો હતો. એક કેસ નોંધવામાં આવ્યો છે અને પથ્થરોનું ગેરકાયદેસર પરિવહન કરવામાં આવી રહ્યું હતું કે કેમ તે જાણવા માટે તપાસ ચાલી રહી છે. એમ તેમણે ઉમેર્યું હતું.