ਯੂ. ਪੀ. : ਦਿਓਰੀਆ ਵਿੱਚ ਘਰ ਦੀ ਬਾਲਕੋਨੀ ਡਿੱਗਣ ਨਾਲ ਔਰਤ ਦੀ ਮੌਤ, 3 ਬੱਚੇ ਜ਼ਖ਼ਮੀ

ਦਿਓਰੀਆ ( 3 ਜੁਲਾਈ ) - ਉੱਤਰ ਪ੍ਰਦੇਸ़ ਦੇ ਦਿਓਰੀਆ ਜ਼ਿਲ੍ਹੇ ਵਿੱਚ ਇੱਕ ਘਰ ਦੀ ਬਾਲਕੋਨੀ ਡਿੱਗਣ ਕਾਰਨ ਇੱਕ 45 ਸਾਲਾ ਔਰਤ ਦੀ ਮੌਤ ਹੋ ਗਈ ਅਤੇ ਤਿੰਨ ਬੱਚੇ ਜ਼ਖਮੀ ਹੋ ਗਏ । ਇਹ ਘਟਨਾ ਵੀਰਵਾਰ ਰਾਤ ਕਰੀਬ 9 ਵਜੇ ਗੌਰੀਬਾਜ਼ਾਰ ਥਾਣੇ ਅਧੀਨ ਆਉਂਦੇ ਗੌਰੀਬਾਜ਼ਾਰ ਕਸਬੇ ਵਿੱਚ ਵਾਪਰੀ । ਪੁਲਿਸ ਨੇ ਦੱਸਿਆ ਕਿ ਸੁਰੌਲੀ ਥਾਣੇ ਦੇ ਪਿੰਡ ਮਾਂਝਗਾਵਾਂ ਦੀ ਵਸਨੀਕ ਫੂਲਾ ਦੇਵੀ ਸੀਤਾਰਾਮ ਗੋਂਡ ਦੇ ਘਰ ਆਪਣੇ ਰਿਸ़ਤੇਦਾਰਾਂ ਨੂੰ ਮਿਲਣ ਆਈ ਸੀ, ਜਿੱਥੇ ਉਸ ਦੀ ਧੀ ਦਾ ਵਿਆਹ ਹੋਇਆ ਹੈ । ਪੁਲਿਸ ਨੇ ਦੱਸਿਆ ਕਿ ਇੱਕ ਗੁਆਂਢੀ ਘਰ ਦੀ ਬਾਲਕੋਨੀ ਅਚਾਨਕ ਢਹਿ ਗਈ ਜਿਸ ਨਾਲ ਦੇਵੀ ਅਤੇ ਤਿੰਨ ਬੱਚੇ ਮਲਬੇ ਹੇਠ ਫਸ ਗਏ । ਚਾਰਾਂ ਨੂੰ ਗੌਰੀਬਾਜ਼ਾਰ ਦੇ ਕਮਿਊਨਿਟੀ ਸਿਹਤ ਕੇਂਦਰ ਲਿਜਾਇਆ ਗਿਆ । ਬਾਅਦ ਵਿੱਚ ਦੇਵੀ ਨੂੰ ਦਿਓਰੀਆ ਦੇ ਮਹਾਰਿਸ़ੀ ਦੇਵਰਾਹਾ ਬਾਬਾ ਮੈਡੀਕਲ ਕਾਲਜ ਰੈਫਰ ਕਰ ਦਿੱਤਾ ਗਿਆ ਜਿੱਥੇ ਸ़ੁੱਕਰਵਾਰ ਦੇਰ ਰਾਤ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ । ਜ਼ਖਮੀ ਬੱਚਿਆਂ - ਸ़੍ਰੀ ( 4 ) ਆਦਿੱਤਿਆ ( 3 ) ਅਤੇ ਵੀਰ ( 2 ) ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ ਅਤੇ ਮੁਢਲੇ ਇਲਾਜ ਤੋਂ ਬਾਅਦ ਉਹ ਖ਼ਤਰੇ ਤੋਂ ਬਾਹਰ ਦੱਸੇ ਗਏ ਹਨ । ਸਟੇਸ़ਨ ਹਾਊਸ ਅਫਸਰ ਮਰੀਤੁੰਜੈ ਕੁਮਾਰ ਰਾਏ ਨੇ ਦੱਸਿਆ ਕਿ ਔਰਤ ਦੀ ਲਾਸ़ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ ਅਤੇ ਅਗਲੇਰੀ ਕਾਨੂੰਨੀ ਕਾਰਵਾਈ ਜਾਰੀ ਹੈ ।