ਯੂ. ਪੀ. : ਪ੍ਰੇਮ ਸਬੰਧਾਂ ਨੂੰ ਲੈ ਕੇ ਦਲਿਤ ਨੌਜਵਾਨ ਦਾ ਕਤਲ ਕਰਨ ਵਾਲੇ ਵਿਅਕਤੀ ਨੂੰ ਉਮਰ ਕੈਦ

ਮਹਾਰਾਜਗੰਜ, 10 ਜੁਲਾਈ ( ਏਜੰਸੀ ) - ਇੱਥੋਂ ਦੀ ਇੱਕ ਅਦਾਲਤ ਨੇ ਛੇ ਸਾਲ ਪਹਿਲਾਂ ਇੱਕ ਦਲਿਤ ਨੌਜਵਾਨ ਦੇ ਕਥਿਤ ਪ੍ਰੇਮ ਸਬੰਧਾਂ ਦੇ ਦੋਸ़ ਵਿੱਚ ਕਤਲ ਕਰਨ ਦੇ ਮਾਮਲੇ ਵਿੱਚ ਇੱਕ ਵਿਅਕਤੀ ਨੂੰ ਸਖ਼ਤ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ । ਵਧੀਕ ਜ਼ਿਲ੍ਹਾ ਸਰਕਾਰ ਦੇ ਵਕੀਲ ( ਏ. ਡੀ. ਜੀ. ਸੀ. ) ਪੂਰਨੇਂਦੂ ਤ੍ਰਿਪਾਠੀ ਨੇ ਦੱਸਿਆ ਕਿ ਵਿਸ़ੇਸ़ ਜੱਜ ( ਐੱਸ. ਸੀ. / ਐੱਸਟੀ. ਅੱਤਿਆਚਾਰ ਰੋਕੂ ਕਾਨੂੰਨ ) ਆਬਿਦ ਸ़ਮੀਮ ਨੇ ਵੀਰਵਾਰ ਨੂੰ ਰਾਮ ਪ੍ਰਸਾਦ ਪ੍ਰਜਾਪਤੀ ( 60 ) ਨੂੰ ਕਤਲ ਦਾ ਦੋਸ़ੀ ਠਹਿਰਾਇਆ ਅਤੇ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ । ਅਦਾਲਤ ਨੇ ਉਸ ਉੱਤੇ 40,000 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ । ਤ੍ਰਿਪਾਠੀ ਨੇ ਕਿਹਾ ਕਿ ਜੁਰਮਾਨਾ ਅਦਾ ਨਾ ਕਰਨ'ਤੇ ਛੇ ਮਹੀਨੇ ਦੀ ਵਾਧੂ ਕੈਦ ਹੋ ਸਕਦੀ ਹੈ । ਏ. ਡੀ. ਜੀ. ਸੀ. ਨੇ ਕਿਹਾ ਕਿ ਪੁਲਿਸ ਨੇ ਪ੍ਰਜਾਪਤੀ ਵਿਰੁੱਧ ਕਤਲ ਅਤੇ ਐਸ. ਸੀ. / ਐਸ. ਟੀ. ( ਅੱਤਿਆਚਾਰ ਰੋਕੂ ਕਾਨੂੰਨ ) ਦੇ ਦੋਸ़ਾਂ ਤਹਿਤ ਮਾਮਲਾ ਦਰਜ ਕੀਤਾ ਸੀ, ਜਿਸ ਵਿੱਚ ਦੋਸ़ ਲਗਾਇਆ ਗਿਆ ਸੀ ਕਿ ਉਸ ਨੇ 19 ਸਾਲਾ ਅਚੇਲਾਲ ਨੂੰ ਇੱਕ ਕਥਿਤ ਪ੍ਰੇਮ ਸਬੰਧ ਨੂੰ ਲੈ ਕੇ ਹੋਏ ਵਿਵਾਦ ਤੋਂ ਬਾਅਦ ਉਸ ਉੱਤੇ ਸੋਟੀ ਅਤੇ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰਕੇ ਮਾਰ ਦਿੱਤਾ ਸੀ ।