ਯੂਪੀ ਦੀ ਅਦਾਲਤ ਨੇ ਕਤਲ ਕੇਸ ਵਿੱਚ ਸਾਬਕਾ ਪਿੰਡ ਮੁਖੀ ਨੂੰ ਮੌਤ ਦੀ ਸਜ਼ਾ ਸੁਣਾਈ

ਮੁਜ਼ੱਫਰਨਗਰ ਦੀ ਇੱਕ ਫਾਸਟ ਟਰੈਕ ਅਦਾਲਤ ਨੇ ਸੋਮਵਾਰ ਨੂੰ 2010 ਦੇ ਕਤਲ ਕੇਸ ਵਿੱਚ ਇੱਕ ਸਾਬਕਾ ਪਿੰਡ ਮੁਖੀ ਅਤੇ ਉਸ ਦੇ ਸਾਥੀ ਨੂੰ ਮੌਤ ਦੀ ਸਜ਼ਾ ਸੁਣਾਈ । ਵਧੀਕ ਜ਼ਿਲ੍ਹਾ ਜੱਜ ( ਐੱਫ. ਟੀ. ਸੀ. ਮੁਜ਼ੱਫਰਨਗਰ ਰਵੀ ਕੁਮਾਰ ਦਿਵਾਕਰ ) ਨੇ ਸਾਬਕਾ ਪਿੰਡ ਮੁਖੀ ਪ੍ਰਮੋਦ ਅਤੇ ਉਸ ਦੇ ਸਹਿਯੋਗੀ ਸਹਦੇਵ ਨੂੰ ਆਈ. ਪੀ. ਸੀ. ਦੀ ਧਾਰਾ 302 ਤਹਿਤ ਦੋਸ़ੀ ਠਹਿਰਾਉਣ ਤੋਂ ਬਾਅਦ ਹਰੇਕ'ਤੇ 1 - 1 ਲੱਖ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ । ਅਦਾਲਤ ਨੇ ਕਿਹਾ ਕਿ ਇਹ ਕੇਸ ਸਭ ਤੋਂ ਦੁਰਲੱਭ ਮਾਮਲਿਆਂ ਵਿੱਚ ਆਉਂਦਾ ਹੈ । ਅਦਾਲਤ ਨੇ ਇਹ ਵੀ ਕਿਹਾ ਕਿ ਸਜ਼ਾ ਦੀ ਪੁਸ़ਟੀ ਅਲਾਹਾਬਾਦ ਹਾਈ ਕੋਰਟ ਵੱਲੋਂ ਕੀਤੀ ਜਾਵੇਗੀ । ਸਰਕਾਰੀ ਵਕੀਲ ਕੁਲਦੀਪ ਕੁਮਾਰ ਨੇ ਦੱਸਿਆ ਕਿ 24 ਅਗਸਤ 2010 ਨੂੰ ਜ਼ਿਲ੍ਹੇ ਦੇ ਟੀਟਾਵੀ ਥਾਣੇ ਅਧੀਨ ਆਉਂਦੇ ਪਿੰਡ ਮੰਡੀ ਵਿੱਚ ਪੰਚਾਇਤੀ ਚੋਣਾਂ ਦੀ ਵੈਰਤਾ ਨੂੰ ਲੈ ਕੇ 60 ਸਾਲਾ ਰਾਜਬੀਰ ਸਿੰਘ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ । ਮ੍ਰਿਤਕ ਦੇ ਪੁੱਤਰ ਪ੍ਰਦੀਪ ਕੁਮਾਰ ਨੇ ਇਸ ਸਬੰਧ ਵਿੱਚ ਐਫ. ਆਈ. ਆਰ. ਦਰਜ ਕੀਤੀ ਹੈ । ਪੁਲਿਸ ਨੇ 13 ਦਸੰਬਰ 2010 ਨੂੰ ਦੋਸ़ੀ ਵਿਰੁੱਧ ਚਾਰਜਸ़ੀਟ ਦਾਇਰ ਕੀਤੀ ਸੀ ।