ਨੇਪਾਲ ਵਿੱਚ ਨਸ़ੀਲੇ ਪਦਾਰਥਾਂ ਦੇ ਕਾਰੋਬਾਰ ਦੇ ਦੋਸ़ ਵਿੱਚ ਦੋ ਭਾਰਤੀਆਂ ਸਮੇਤ ਤਿੰਨ ਗ੍ਰਿਫਤਾਰ

ਕਾਠਮੰਡੂ 11 ਜੁਲਾਈ ( ਪੀ. ਟੀ. ਆਈ. ) ਨੇਪਾਲ ਪੁਲਿਸ ਨੇ ਸ़ਨੀਵਾਰ ਨੂੰ ਰੁਪਾਨਦੇਹੀ ਜ਼ਿਲ੍ਹੇ ਵਿੱਚ ਦੋ ਭਾਰਤੀ ਨਾਗਰਿਕਾਂ ਸਮੇਤ ਤਿੰਨ ਨਸ़ੀਲੇ ਪਦਾਰਥਾਂ ਦੇ ਡੀਲਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ । ਨੇਪਾਲ ਪੁਲਿਸ ਦੇ ਇੱਕ ਬਿਆਨ ਅਨੁਸਾਰ ਸ़ੁੱਕਰਵਾਰ ਨੂੰ ਇੱਕ ਅਪਰੇਸ़ਨ ਦੌਰਾਨ ਉੱਤਰ ਪ੍ਰਦੇਸ़ ਦੇ ਅਮੇਥੀ ਮੁਸਾਫਿਰਖਾਨਾ ਦੇ ਵਸਨੀਕ ਇਕਬਾਲ ਖਾਨ 50 ਅਤੇ ਸਿਧਾਰਥਨਗਰ ਥਾਨਾ ਚਤਾਰਾ ਦੇ ਵਸਨੀਕ ਰਾਮ ਦਿਆਲ ਸ़ਰਮਾ 34 ਅਤੇ ਨੇਪਾਲ ਦੇ ਲੁੰਬਿਨੀ ਮਿਊਂਸਪੈਲਿਟੀ ਰੂਪਾਨਦੇਹੀ ਜ਼ਿਲ੍ਹੇ ਦੇ ਵਸਨੀਕ ਸਰਾਜੁਦੀਨ ਮੁਸਲਮਾਨ 24 ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ । ਕਾਠਮੰਡੂ ਵਿੱਚ ਨੇਪਾਲ ਪੁਲਿਸ ਦੇ ਐਂਟੀ - ਨਾਰਕੋਟਿਕ ਬਿਓਰੋ ਨੇ ਇੱਕ ਗੁਪਤ ਸੂਚਨਾ ਦੇ ਅਧਾਰ ਉੱਤੇ ਇੱਕ ਅਪਰੇਸ़ਨ ਚਲਾਇਆ । ਪੁਲਿਸ ਨੇ ਕਿਹਾ ਕਿ ਅਪਰੇਸ़ਨ ਦੌਰਾਨ ਇੱਕ ਭਾਰਤੀ ਨਾਗਰਿਕ ਨੇ ਗੋਲੀਬਾਰੀ ਸ़ੁਰੂ ਕਰ ਦਿੱਤੀ । ਕਰਾਸ ਫਾਇਰਿੰਗ ਦੌਰਾਨ ਇਕਬਾਲ ਖਾਨ ਨੂੰ ਆਪਣੀ ਖੱਬੀ ਲੱਤ ਦੇ ਗੋਡੇ ਦੇ ਹੇਠਾਂ ਗੋਲੀ ਲੱਗੀ । ਜ਼ਖਮੀ ਭਾਰਤੀ ਨਾਗਰਿਕ ਨੂੰ ਇਲਾਜ ਲਈ ਲੁੰਬਿਨੀ ਸੂਬਾਈ ਹਸਪਤਾਲ ਲਿਜਾਇਆ ਗਿਆ । ਪੁਲਿਸ ਨੇ ਅਪਰੇਸ़ਨ ਦੌਰਾਨ 300 ਗ੍ਰਾਮ ਹੇਰੋਇਨ, ਇੱਕ ਪਿਸਤੌਲ ਅਤੇ ਦੋ ਰਾਊਂਡ ਗੋਲੀਆਂ, ਇਕ ਮੋਟਰ ਸਾਈਕਲ ਅਤੇ ਦੋ ਸੈੱਟ ਮੋਬਾਈਲ ਫੋਨ ਬਰਾਮਦ ਕੀਤੇ ਹਨ । ਜ਼ਿਲ੍ਹਾ ਪੁਲਿਸ ਰੂਪਾਨਦੇਹੀ ਨੇ ਗ੍ਰਿਫਤਾਰ ਕੀਤੇ ਗਏ ਦੋ ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ।