ਝਾਰਖੰਡ ਵਿੱਚ ਡੇਢ ਕਰੋੜ ਰੁਪਏ ਦੇ ਪੰਨੇ ਸਮੇਤ ਤਿੰਨ ਤਸਕਰ ਗ੍ਰਿਫਤਾਰ

ਜਮਸ़ੇਦਪੁਰ 12 ਜੁਲਾਈ ( ਏਜੰਸੀ ) - ਝਾਰਖੰਡ ਦੇ ਪੂਰਬੀ ਸਿੰਘਭੂਮ ਜ਼ਿਲ੍ਹੇ ਤੋਂ ਡੇਢ ਕਰੋੜ ਰੁਪਏ ਦੇ ਰਤਨਾਂ ਦੀ ਤਸਕਰੀ ਦੇ ਦੋਸ़ ਵਿੱਚ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ । ਪੁਲਿਸ ਸੁਪਰਡੈਂਟ ਸੁਭਮ ਕੁਮਾਰ ਖੰਡੇਲਵਾਲ ਨੇ ਦੱਸਿਆ ਕਿ ਇੱਕ ਗੁਪਤ ਸੂਚਨਾ'ਤੇ ਕਾਰਵਾਈ ਕਰਦਿਆਂ ਵਿਨੈ ਪਾਤਰ ( 50 ) ਸਿਦੇਸ़ਵਰ ਕਾਲਿੰਦੀ ( 45 ) ਅਤੇ ਸਨੇਹਿਸ़ ਮੰਗਰਾਜ ( 44 ) ਨੂੰ ਸ़ਨੀਵਾਰ ਨੂੰ ਜਮਸ़ੇਦਪੁਰ ਤੋਂ ਲਗਭਗ 90 ਕਿਲੋਮੀਟਰ ਦੂਰ ਬਹਰਾਗੋਰਾ ਦੇ ਇੱਕ ਬੱਸ ਅੱਡੇ ਤੋਂ ਗ੍ਰਿਫਤਾਰ ਕੀਤਾ ਗਿਆ । ਉਨ੍ਹਾਂ ਦੱਸਿਆ ਕਿ ਪੁਲਿਸ ਕਰਮਚਾਰੀਆਂ ਨੂੰ ਦੇਖ ਕੇ ਤਿੰਨਾਂ ਨੇ ਭੱਜਣ ਦੀ ਕੋਸ़ਿਸ़ ਕੀਤੀ ਪਰ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਉਨ੍ਹਾਂ ਤੋਂ ਲਗਭਗ ਡੇਢ ਕਰੋੜ ਰੁਪਏ ਦੇ ਪੰਨੇ ਦੇ ਟੁਕੜੇ ਬਰਾਮਦ ਕੀਤੇ ਗਏ ।