ਅਸਾਮ ਵਿੱਚ ਟਾਟਾ ਦੇ ਸੈਮੀਕੰਡਕਟਰ ਪਲਾਂਟ ਨੂੰ ਮਿਲੇਗਾ 14,044 ਕਰੋੜ ਰੁਪਏ ਦਾ ਸਰਕਾਰੀ ਪ੍ਰੋਤਸਾਹਨ

ਗੁਹਾਟੀ 9 ਜੁਲਾਈ ( ਪੀ. ਟੀ. ਆਈ. ) - ਅਸਾਮ ਵਿੱਚ ਟਾਟਾ ਗਰੁੱਪ ਦੇ 27,000 ਕਰੋੜ ਰੁਪਏ ਦੇ ਆਗਾਮੀ ਸੈਮੀਕੰਡਕਟਰ ਪਲਾਂਟ ਨੂੰ ਸਰਕਾਰ ਵੱਲੋਂ 14,044 ਕਰੋੜ ਰੁਪਏ ਦਾ ਪ੍ਰੋਤਸਾਹਨ ਮਿਲੇਗਾ । ਉਦਯੋਗ ਅਤੇ ਵਣਜ ਅਤੇ ਜਨਤਕ ਉੱਦਮ ਮੰਤਰੀ ਬਿਮਲ ਬੋਰਾ ਨੇ ਪ੍ਰੋਜੈਕਟ ਨੂੰ ਦਿੱਤੀ ਜਾਣ ਵਾਲੀ ਪੂੰਜੀ ਸਬਸਿਡੀਆਂ ਬਾਰੇ ਰਾਇਜੋਰ ਦਲ ਦੇ ਐਮ. ਐਲ. ਏ. ਅਖਿਲ ਗੋਗੋਈ ਦੇ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਕਿਹਾ ਕਿ ਕੇਂਦਰ ਟਾਟਾ ਇਲੈਕਟ੍ਰੌਨਿਕਸ ਸਹੂਲਤ ਨੂੰ ਪ੍ਰੋਤਸਾਹਨ ਵਜੋਂ 10,255 ਕਰੋੜ ਰੁਪਏ ਮੁਹੱਈਆ ਕਰਵਾਏਗਾ । ਉਨ੍ਹਾਂ ਕਿਹਾ ਕਿ ਅਸਾਮ ਸਰਕਾਰ ਨੇ ਇਸ ਪ੍ਰੋਜੈਕਟ ਦੀ ਲੰਬੀ ਮਿਆਦ ਦੀ ਸਫਲਤਾ ਨੂੰ ਯਕੀਨੀ ਬਣਾਉਣ ਲਈ 3,789 ਕਰੋੜ ਰੁਪਏ ਨੂੰ ਮਨਜ਼ੂਰੀ ਦਿੱਤੀ ਹੈ । ਬੋਰਾ ਨੇ ਕਿਹਾ ਕਿ ਇਸ ਪਲਾਂਟ ਨਾਲ 27,000 ਤੋਂ ਵੱਧ ਰੋਜ਼ਗਾਰ ਪੈਦਾ ਹੋਣ ਦੀ ਸੰਭਾਵਨਾ ਹੈ ਜਿਸ ਵਿੱਚ 15,000 ਸਿੱਧੀਆਂ ਨੌਕਰੀਆਂ ਸ़ਾਮਲ ਹਨ । 27, 000 ਕਰੋੜ ਰੁਪਏ ਦੇ ਨਿਵੇਸ़ ਨਾਲ ਟਾਟਾ ਇਲੈਕਟ੍ਰੌਨਿਕਸ ਦੀ ਆਊਟਸੋਰਸਡ ਸੈਮੀਕੰਡਕਟਰ ਅਸੈਂਬਲੀ ਅਤੇ ਟੈਸਟ ( ਓ. ਐੱਸ. ਏ. ਟੀ. ) ਦੀ ਆਉਣ ਵਾਲੀ ਸਹੂਲਤ ਨਾਲ ਪ੍ਰਤੀ ਦਿਨ 4 ਕਰੋੜ 80 ਲੱਖ ਸੈਮਿਕੰਡਕਟਰ ਚਿੱਪਾਂ ਦਾ ਉਤਪਾਦਨ ਹੋਣ ਦੀ ਉਮੀਦ ਹੈ । ਕੇਂਦਰੀ ਅਸਾਮ ਦੇ ਮੋਰੀਗਾਓਂ ਜ਼ਿਲ੍ਹੇ ਦੇ ਜਾਗੀਰੋਡ ਵਿਖੇ ਸਥਿਤ ਇਹ ਆਧੁਨਿਕ ਸਹੂਲਤ ਜਨਤਕ ਖੇਤਰ ਦੀ ਕੰਪਨੀ ਹਿੰਦੁਸਤਾਨ ਪੇਪਰ ਕਾਰਪੋਰੇਸ़ਨ ( ਐੱਚ. ਪੀ. ਸੀ. ) ਦੀ ਨਾਗਾਓਂ ਪੇਪਰ ਮਿੱਲ ਨੂੰ ਬੰਦ ਕਰਨ ਤੋਂ ਬਾਅਦ ਸਥਾਪਤ ਕੀਤੀ ਜਾ ਰਹੀ ਹੈ ।