ਦਿੱਲੀ ਪੁਲਿਸ ਥਾਣੇ ਵਿੱਚ ਐਸ. ਆਈ. ਨੇ ਕੀਤੀ ਆਤਮ ਹੱਤਿਆ

ਨਵੀਂ ਦਿੱਲੀ, 13 ਜੁਲਾਈ ( ਏਜੰਸੀ ) - ਦਿੱਲੀ ਪੁਲਿਸ ਦੇ ਇੱਕ ਸਬ - ਇੰਸਪੈਕਟਰ ਨੇ ਸੋਮਵਾਰ ਨੂੰ ਪੂਰਬੀ ਦਿੱਲੀ ਦੇ ਮਧੂ ਵਿਹਾਰ ਥਾਣੇ ਅੰਦਰ ਆਪਣੀ ਸਰਵਿਸ ਰਿਵਾਲਵਰ ਨਾਲ ਖ਼ੁਦ ਨੂੰ ਗੋਲੀ ਮਾਰ ਕੇ ਕਥਿਤ ਤੌਰ'ਤੇ ਆਤਮ ਹੱਤਿਆ ਕਰ ਲਈ । ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਮ੍ਰਿਤਕ ਦੀ ਪਛਾਣ 2019 ਬੈਚ ਦੇ ਸਬ - ਇੰਸਪੈਕਟਰ ਸੋਮੇਸ़ ਮੀਨਾ ਵਜੋਂ ਹੋਈ ਹੈ । ਮੁੱਢਲੀ ਜਾਣਕਾਰੀ ਅਨੁਸਾਰ ਇਹ ਘਟਨਾ ਦੁਪਹਿਰ ਕਰੀਬ 12.15 ਵਜੇ ਵਾਪਰੀ ਜਦੋਂ ਉਸ ਨੇ ਕਥਿਤ ਤੌਰ'ਤੇ ਮਧੂ ਵਿਹਾਰ ਥਾਣੇ ਦੇ ਅੰਦਰ ਆਪਣੇ ਸਰਵਿਸ ਹਥਿਆਰ ਨਾਲ ਆਪਣੇ ਆਪ ਨੂੰ ਗੋਲੀ ਮਾਰ ਲਈ । ਸੀਨੀਅਰ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਅਪਰਾਧ ਟੀਮ ਅਤੇ ਫੋਰੈਂਸਿਕ ਟੀਮਾਂ ਮੌਕੇ'ਤੇ ਪਹੁੰਚੀਆਂ ਅਤੇ ਜਾਂਚ ਸ़ੁਰੂ ਕੀਤੀ । ਪੁਲਿਸ ਨੇ ਕਿਹਾ ਕਿ ਕਥਿਤ ਆਤਮ ਹੱਤਿਆ ਦੇ ਕਾਰਨਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ।