ਪੁਲਿਸ ਨੇ ਜੰਮੂ - ਕਸ़ਮੀਰ ਦੇ ਕੁਪਵਾੜਾ ਵਿੱਚ ਨਾਈ ਦੇ ਧਰਮ ਪਰਿਵਰਤਨ ਦੀ ਜਾਂਚ ਦੇ ਦਿੱਤੇ ਆਦੇਸ़

ਸ੍ਰੀਨਗਰ - 19 ਮਈ ( ਪੀ. ਟੀ. ਆਈ. ) ਪੁਲਿਸ ਨੇ ਜੰਮੂ - ਕਸ़ਮੀਰ ਦੇ ਕੁਪਵਾੜਾ ਜ਼ਿਲ੍ਹੇ ਵਿੱਚ ਇੱਕ 18 ਸਾਲਾ ਨਾਈ ਦੇ ਕਥਿਤ ਧਰਮ ਪਰਿਵਰਤਨ ਦੀ ਜਾਂਚ ਲਈ ਕੇਸ ਦਰਜ ਕੀਤਾ ਹੈ । ਨੌਜਵਾਨ ਦੀ ਪਛਾਣ ਵਿਸ़ਾਲ ਵਜੋਂ ਹੋਈ ਹੈ ਜੋ ਉੱਤਰ ਪ੍ਰਦੇਸ़ ਦੇ ਬਿਜਨੌਰ ਦਾ ਵਸਨੀਕ ਹੈ । ਅਧਿਕਾਰੀਆਂ ਨੇ ਦੱਸਿਆ ਕਿ ਕੁਪਵਾੜਾ ਵਿੱਚ ਕਥਿਤ ਧਰਮ ਪਰਿਵਰਤਨ ਨਾਲ ਸਬੰਧਤ ਮਾਮਲਾ ਦਰਜ ਕੀਤਾ ਗਿਆ ਹੈ । ਮਾਮਲੇ ਦਾ ਨੋਟਿਸ ਲਿਆ ਗਿਆ ਹੈ ਅਤੇ ਕਾਨੂੰਨ ਦੀਆਂ ਸਬੰਧਤ ਧਾਰਾਵਾਂ ਤਹਿਤ ਐਫ. ਆਈ. ਆਰ. ਦਰਜ ਕੀਤੀ ਗਈ ਹੈ । ਅਧਿਕਾਰੀਆਂ ਨੇ ਕਿਹਾ ਕਿ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਅਫਵਾਹਾਂ ਵੱਲ ਧਿਆਨ ਨਾ ਦੇਣ ਜਾਂ ਗੈਰ - ਪ੍ਰਮਾਣਿਤ ਜਾਣਕਾਰੀ ਪ੍ਰਸਾਰਿਤ ਨਾ ਕਰਨ ।