ਤੇਲੰਗਾਨਾ'ਚ ਵਿਅਕਤੀ ਨੇ ਰੇਲਗੱਡੀ ਦੇ ਸਾਹਮਣੇ ਛਾਲ ਮਾਰ ਕੇ ਕੀਤੀ ਆਤਮਹੱਤਿਆ

ਹੈਦਰਾਬਾਦ 6 ਜੁਲਾਈ ( ਪੀ. ਟੀ. ਆਈ. ) - ਤੇਲੰਗਾਨਾ ਦੇ ਵਾਰੰਗਲ ਸ़ਹਿਰ ਵਿੱਚ ਇੱਕ ਵਿਅਕਤੀ ਨੇ ਰੇਲ ਗੱਡੀ ਦੇ ਸਾਹਮਣੇ ਛਾਲ ਮਾਰ ਕੇ ਕਥਿਤ ਤੌਰ'ਤੇ ਆਤਮ ਹੱਤਿਆ ਕਰ ਲਈ । 35 ਸਾਲਾ ਮ੍ਰਿਤਕ ਨੇ 5 ਜੁਲਾਈ ਨੂੰ ਰਾਤ ਕਰੀਬ 11 ਵਜੇ ਆਪਣੀ ਪਤਨੀ ਨੂੰ ਫੋਨ ਕੀਤਾ ਅਤੇ ਕਾਲ ਕੱਟਣ ਤੋਂ ਪਹਿਲਾਂ ਉਸ ਨੂੰ ਕਿਹਾ ਕਿ ਉਹ ਉਸ ਬਾਰੇ ਉਦਾਸ ਨਾ ਹੋਵੇ । ਪਰਿਵਾਰ ਕੋਲ ਬਚਣ ਲਈ ਕਾਫ਼ੀ ਪੈਸੇ ਹਨ । ਉਹ ਹਨੇਰੇ ਵਿੱਚ ਉਸ ਦੇ ਟਿਕਾਣੇ ਦੀ ਪਛਾਣ ਨਹੀਂ ਕਰ ਸਕੀ । ਉਸ ਵਿਅਕਤੀ ਦੇ ਪਿਤਾ ਨੇ ਐਤਵਾਰ ਦੇਰ ਰਾਤ ਬਾਰ ਅਤੇ ਰੈਸਟੋਰੈਂਟਾਂ ਵਿੱਚ ਉਸ ਦੀ ਭਾਲ ਕੀਤੀ ਪਰ ਉਹ ਨਹੀਂ ਮਿਲਿਆ । ਮ੍ਰਿਤਕ ਨੂੰ ਕਥਿਤ ਤੌਰ'ਤੇ ਸ़ਰਾਬ ਪੀਣ ਦੀ ਆਦਤ ਸੀ । ਰੇਲਵੇ ਪੁਲਿਸ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਸੋਮਵਾਰ ਨੂੰ ਸਵੇਰੇ ਕਰੀਬ ਸਾਢੇ ਪੰਜ ਵਜੇ ਪਿਤਾ ਨੂੰ ਮ੍ਰਿਤਕ ਦਾ ਦੋਪਹੀਆ ਵਾਹਨ ਰੇਲਵੇ ਟਰੈਕ ਨੇੜੇ ਇੱਕ ਪੁਲ ਦੇ ਹੇਠਾਂ ਅਤੇ ਬਾਅਦ ਵਿੱਚ ਉਸ ਦੀ ਲਾਸ़ ਟਰੈਕ ਉੱਤੇ ਮਿਲੀ । ਉਨ੍ਹਾਂ ਕਿਹਾ ਕਿ ਇਹ ਤੁਰੰਤ ਪਤਾ ਨਹੀਂ ਲੱਗ ਸਕਿਆ ਕਿ ਸਰਕਾਰੀ ਰਜਿਸਟਰਾਰ ਦਫ਼ਤਰ ਨੇੜੇ ਇੱਕ ਸੰਸਥਾ ਵਿੱਚ ਪ੍ਰਾਈਵੇਟ ਟਾਈਪਿਸਟ ਵਜੋਂ ਕੰਮ ਕਰਨ ਵਾਲੇ ਵਿਅਕਤੀ ਦੀ ਆਤਮ ਹੱਤਿਆ ਕਦੋਂ ਹੋਈ । ਕਥਿਤ ਆਤਮ ਹੱਤਿਆ ਦੇ ਕਾਰਨਾਂ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ ਹੈ । ਹਾਲਾਂਕਿ ਪਰਿਵਾਰ ਦੇ ਮੈਂਬਰਾਂ ਨੇ ਸੰਭਾਵਿਤ ਕਾਰਨ ਵਜੋਂ ਗੈਰਕਾਨੂੰਨੀ ਸੰਬੰਧਾਂ ਦਾ ਦਾਅਵਾ ਕੀਤਾ ਹੈ, ਪਰ ਉਹ ਇਸ ਦਾਅਵੇ ਦੇ ਸਮਰਥਨ ਵਿੱਚ ਸਬੂਤ ਨਹੀਂ ਦੇ ਸਕੇ । ਉਨ੍ਹਾਂ ਕਿਹਾ ਕਿ ਮਾਮਲੇ ਦੇ ਤੱਥਾਂ ਦਾ ਪਤਾ ਜਾਂਚ ਤੋਂ ਬਾਅਦ ਲੱਗੇਗਾ ।