ਮਹਾਰਾਸ़ਟਰ ਦੇ ਨਾਂਦੇੜ - ਹਿੰਗੋਲੀ - ਪਰਭਣੀ ਜ਼ਿਲ੍ਹਿਆਂ ਵਿੱਚ ਭੁਚਾਲ ਦੇ ਕਈ ਝਟਕੇ, ਘਰਾਂ ਨੂੰ ਨੁਕਸਾਨ

ਛਤਰਪਤੀ ਸੰਭਾਜਿਨਗਰ 9 ਜੁਲਾਈ ( ਪੀ. ਟੀ. ਆਈ. ) - ਮਹਾਰਾਸ़ਟਰ ਦੇ ਮਰਾਠਵਾੜਾ ਖੇਤਰ ਦੇ ਕੁਝ ਹਿੱਸਿਆਂ ਵਿੱਚ ਦੋ ਘੰਟੇ ਤੋਂ ਵੀ ਘੱਟ ਸਮੇਂ ਵਿੱਚ ਆਏ ਚਾਰ ਭੁਚਾਲਾਂ ਤੋਂ ਬਾਅਦ ਕੁੱਝ ਘਰਾਂ ਦੀਆਂ ਛੱਤਾਂ ਡਿੱਗ ਗਈਆਂ, ਜਦੋਂ ਕਿ ਕੁੱਝ ਠੋਸ ਘਰਾਂ ਵਿੱਚ ਦਰਾਰਾਂ ਪੈ ਗਈਆਂ । ਉਨ੍ਹਾਂ ਨੇ ਦੱਸਿਆ ਕਿ ਮੱਧ ਮਹਾਰਾਸ़ਟਰ ਖੇਤਰ ਦੇ ਨਾਂਦੇੜ ਹਿੰਗੋਲੀ ਅਤੇ ਪਰਭਣੀ ਜ਼ਿਲ੍ਹਿਆਂ ਵਿੱਚ ਆਏ ਭੁਚਾਲ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ । ਅਧਿਕਾਰੀਆਂ ਨੇ ਦੱਸਿਆ ਕਿ ਸਵੇਰੇ 1.37 ਵਜੇ ਤੋਂ 3.23 ਵਜੇ ਤੱਕ 3.6 ਤੋਂ 4.6 ਤੀਬਰਤਾ ਦੇ ਝਟਕੇ ਦਰਜ ਕੀਤੇ ਗਏ ਅਤੇ ਇਨ੍ਹਾਂ ਦਾ ਕੇਂਦਰ ਹਿੰਗੋਲੀ ਜ਼ਿਲ੍ਹੇ ਦੇ ਵਸਮਤ ਤਾਲੁਕਾ ਦੇ ਪਿੰਡ ਸ़ਰਲੀ ਵਿੱਚ ਸੀ । ਕਈ ਪਿੰਡਾਂ ਦਾ ਦੌਰਾ ਕਰਨ ਵਾਲੇ ਹਿੰਗੋਲੀ ਦੇ ਕੁਲੈਕਟਰ ਰਾਹੁਲ ਗੁਪਤਾ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਕੁਝ ਘਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ । ਗੁਪਤਾ ਨੇ ਕਿਹਾ, " ਜਿਨ੍ਹਾਂ ਪਿੰਡਾਂ ਵਿੱਚ ਮੈਂ ਗਿਆ ਸੀ, ਉਨ੍ਹਾਂ ਵਿੱਚ ਕੁੱਝ ਕੱਚੇ ਘਰਾਂ ਨੂੰ ਨੁਕਸਾਨ ਪਹੁੰਚਿਆ । ਇਨ੍ਹਾਂ ਘਰਾਂ ਦੀਆਂ ਟੀਨ ਦੀਆਂ ਛੱਤਾਂ ਢਹਿ ਗਈਆਂ ਜਦੋਂ ਕਿ ਕੁੱਝ ਪੱਕੇ ਘਰਾਂ ਵਿੱਚ ਦਰਾਰਾਂ ਪੈ ਗਈਆਂ । ਅਸੀਂ ਨੁਕਸਾਨ ਦਾ ਮੁੱਲਾਂਕਣ ਕੀਤਾ ਹੈ ਅਤੇ ਪ੍ਰਭਾਵਿਤ ਮਕਾਨ ਮਾਲਕਾਂ ਨੂੰ ਲੋੜੀਂਦੀ ਸਹਾਇਤਾ ਦਿੱਤੀ ਜਾਵੇਗੀ ।