ਹਿਮਾਚਲ ਸਰਕਾਰ ਨੇ 17 ਆਈ. ਏ. ਐੱਸ. ਅਧਿਕਾਰੀਆਂ ਦੇ ਤਬਾਦਲੇ ਕੀਤੇ

ਸ़ਿਮਲਾ 10 ਜੁਲਾਈ ( ਏਜੰਸੀ ) - ਹਿਮਾਚਲ ਪ੍ਰਦੇਸ़ ਸਰਕਾਰ ਨੇ ਸ़ੁੱਕਰਵਾਰ ਨੂੰ 17 ਆਈ. ਏ. ਐੱਸ. ਅਧਿਕਾਰੀਆਂ ਅਤੇ 22 ਹਿਮਾਚਲ ਪ੍ਰਦੇਸ़ ਪ੍ਰਸ़ਾਸਕੀ ਸੇਵਾ ( ਐਚ. ਪੀ. ਏ. ਐਸ. ) ਅਧਿਕਾਰੀਆਂ ਦਾ ਤਬਾਦਲਾ ਕਰ ਦਿੱਤਾ ਹੈ । ਓਂਕਾਰ ਚੰਦ ਸ़ਰਮਾ ( 1994 ਬੈਚ ) ਜੋ ਵਧੀਕ ਮੁੱਖ ਸਕੱਤਰ ( ਕਬਾਇਲੀ ਵਿਕਾਸ ) ਵਜੋਂ ਸੇਵਾ ਨਿਭਾ ਰਹੇ ਹਨ, ਨੂੰ ਟਰਾਂਸਪੋਰਟ ਵਿਭਾਗ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ । ਆਈ. ਏ. ਐੱਸ. ਅਧਿਕਾਰੀ ਰਾਵਥਰ ਦਾਊਦ ਨਜ਼ੀਮ ( 1995 ਬੈਚ ) ਨੂੰ ਵਧੀਕ ਮੁੱਖ ਸਕੱਤਰ ( ਗ੍ਰਹਿ ਅਤੇ ਚੌਕਸੀ ਐੱਮ. ਪੀ. ਪੀ. ਅਤੇ ਬਿਜਲੀ ) ਨਿਯੁਕਤ ਕੀਤਾ ਗਿਆ ਹੈ । ਦੇਵੇਸ़ ਕੁਮਾਰ ( 1998 ਬੈਚ ) ਵਿੱਤ ਯੋਜਨਾਬੰਦੀ ਅਰਥ ਸ़ਾਸਤਰ ਅਤੇ ਅੰਕੜਾ ਵਿਗਿਆਨ ਅਤੇ ਲੋਕ ਨਿਰਮਾਣ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਵਜੋਂ ਪਸ़ੂ ਪਾਲਣ ਵਿਭਾਗ ਦੇ ਵਾਧੂ ਚਾਰਜ ਨਾਲ ਬਣੇ ਰਹਿਣਗੇ । ਐੱਮ ਸੁਧਾ ਦੇਵੀ ( 2003 ਬੈਚ ) ਨੂੰ ਪ੍ਰਮੁੱਖ ਸਕੱਤਰ ( ਜੰਗਲਾਤ ਅਤੇ ਉਦਯੋਗ ) ਨਿਯੁਕਤ ਕੀਤਾ ਗਿਆ ਹੈ ਅਤੇ ਉਹ ਪਰਸੋਨਲ ਵਿਭਾਗ ਦਾ ਵਾਧੂ ਚਾਰਜ ਸੰਭਾਲਦੀ ਰਹੇਗੀ । ਆਸ़ੀਸ़ ਸਿੰਘਮਾਰ ( 2008 ਬੈਚ ) ਨੂੰ ਆਪਣੇ ਮੌਜੂਦਾ ਵਿਭਾਗਾਂ ਨੂੰ ਬਰਕਰਾਰ ਰੱਖਦੇ ਹੋਏ ਸਕੱਤਰ ( ਸਿਹਤ ਅਤੇ ਪਰਿਵਾਰ ਭਲਾਈ ) ਦੀ ਵਾਧੂ ਜ਼ਿੰਮੇਵਾਰੀ ਸੌਂਪੀ ਗਈ ਹੈ । ਸਿਹਤ ਅਤੇ ਪਰਿਵਾਰ ਕਲਿਆਣ ਪਹਿਲਾਂ ਸੁਧਾ ਦੇਵੀ ਕੋਲ ਸੀ ।