ਦਿੱਲੀ ਵਿੱਚ ਗੁੰਡਾਗਰਦੀ ਕਰਨ ਵਾਲੇ ਦੀ ਗੋਲੀ ਮਾਰ ਕੇ ਹੱਤਿਆ

ਨਵੀਂ ਦਿੱਲੀ, 17 ਜੁਲਾਈ ( ਏਜੰਸੀ ) - ਦਿੱਲੀ ਦੇ ਦਿਆਲਪੁਰ ਇਲਾਕੇ ਵਿੱਚ ਸ़ੁੱਕਰਵਾਰ ਨੂੰ ਇੱਕ 24 ਸਾਲਾ ਵਿਅਕਤੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ । ਮ੍ਰਿਤਕ ਦੀ ਪਛਾਣ ਸਾਜਿਦ ਉਰਫ ਆਲੂ ਦਾਦਾ ਵਜੋਂ ਹੋਈ ਹੈ । ਪੁਲਿਸ ਅਨੁਸਾਰ ਦਿਆਲਪੁਰ ਥਾਣੇ ਵਿੱਚ ਸ़ਾਮ 6 ਵਜੇ ਸੂਚਨਾ ਮਿਲੀ ਸੀ ਕਿ ਸਾਜਿਦ ਨੂੰ ਪੁਰਾਣੇ ਮੁਸਤਫਾਬਾਦ ਵਿੱਚ ਦਿਲਸ़ਾਦ ਮਸਜਿਦ ਨੇੜੇ ਇੱਕ ਅਣਜਾਣ ਵਿਅਕਤੀ ਨੇ ਗੋਲੀ ਮਾਰ ਦਿੱਤੀ ਸੀ । ਉਸ ਨੂੰ ਉਸ ਦੇ ਜਾਣੇ - ਪਛਾਣੇ ਲੋਕ ਗੁਰੂ ਤੇਗ ਬਹਾਦੁਰ ( ਜੀ. ਟੀ. ਬੀ. ) ਹਸਪਤਾਲ ਲੈ ਗਏ ਜਿੱਥੇ ਡਾਕਟਰ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ । ਪੁਲਿਸ ਦੀ ਇੱਕ ਟੀਮ ਤੁਰੰਤ ਅਪਰਾਧ ਵਾਲੀ ਥਾਂ'ਤੇ ਪਹੁੰਚ ਗਈ । ਅਪਰਾਧ ਟੀਮ ਅਤੇ ਫੋਰੈਂਸਿਕ ਮਾਹਰਾਂ ਨੇ ਵੀ ਮੌਕੇ ਦਾ ਮੁਆਇਨਾ ਕੀਤਾ ਅਤੇ ਜਾਂਚ ਵਿੱਚ ਸਹਾਇਤਾ ਲਈ ਸਬੂਤ ਇਕੱਠੇ ਕੀਤੇ । ਐੱਫ. ਆਈ. ਆਰ. ਦਰਜ ਕੀਤੀ ਗਈ ਹੈ । ਤਸਦੀਕ ਦੌਰਾਨ ਪੁਲਿਸ ਨੇ ਪਾਇਆ ਕਿ ਸਾਜਿਦ ਦਾ ਅਪਰਾਧਿਕ ਇਤਿਹਾਸ ਸੀ । ਪੁਲਿਸ ਨੇ ਕਿਹਾ ਕਿ ਹਮਲਾਵਰ ਦੀ ਪਛਾਣ ਕਰਨ ਅਤੇ ਉਸ ਦਾ ਪਤਾ ਲਗਾਉਣ ਲਈ ਕਈ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ ।