ਕੋਟਾ ਵਿੱਚ ਡੀ. ਜੇ. ਬੀ. ਸਟਾਫ ਦੇ ਪਰਿਵਾਰ ਨੂੰ ਡੰਪਰ ਨੇ ਮਾਰੀ ਟੱਕਰ, 1 ਦੀ ਮੌਤ, 15 ਜ਼ਖ਼ਮੀ

ਕੋਟਾ - 8 ਜੁਲਾਈ ( ਏਜੰਸੀ ) - ਦਿੱਲੀ - ਮੁੰਬਈ ਐਕਸਪ੍ਰੈੱਸਵੇਅ'ਤੇ ਅੱਜ ਇੱਥੇ ਇੱਕ ਟੂਰਿਸਟ ਮਿੰਨੀ ਵੈਨ ਵਿੱਚ ਸਵਾਰ ਦਿੱਲੀ ਜਲ ਬੋਰਡ ਦੇ ਕਰਮਚਾਰੀਆਂ ਦੇ ਦੋ ਪਰਿਵਾਰਾਂ ਨੂੰ ਇੱਕ ਡੰਪਰ ਨੇ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ 15 ਹੋਰ ਜ਼ਖਮੀ ਹੋ ਗਏ । ਇਹ ਪਰਿਵਾਰ ਉਜੈਨ ( ਮੱਧ ਪ੍ਰਦੇਸ़ ) ਦੇ ਮਹਾਕਾਲ ਮੰਦਰ ਤੋਂ ਵਾਪਸ ਆ ਰਹੇ ਸਨ । ਇਹ ਹਾਦਸਾ ਕੇਂਦਰੀ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗੜਕਰੀ ਵੱਲੋਂ ਐਕਸਪ੍ਰੈੱਸਵੇਅ ਦੇ ਨਿਰਧਾਰਤ ਨਿਰੀਖਣ ਤੋਂ ਕੁੱਝ ਘੰਟੇ ਪਹਿਲਾਂ ਸੁਲਤਾਨਪੁਰ ਥਾਣੇ ਅਧੀਨ ਜਲਿਮਪੁਰਾ ਇੰਟਰਚੇਂਜ ਨੇੜੇ ਸਵੇਰੇ ਕਰੀਬ 4 ਵਜੇ ਵਾਪਰਿਆ । ਸਾਹੂ ਨੇ ਦੱਸਿਆ ਕਿ ਮ੍ਰਿਤਕ ਦੀ ਪਛਾਣ ਚਰਨ ਸਿੰਘ ( ਉੱਤਰ ਪ੍ਰਦੇਸ़ ਦੇ ਬਾਗਪਤ ਦਾ ਵਸਨੀਕ ) ਵਜੋਂ ਹੋਈ ਹੈ, ਜਦੋਂ ਕਿ ਚਾਰ ਗੰਭੀਰ ਜ਼ਖ਼ਮੀਆਂ ਨੂੰ ਇਲਾਜ ਲਈ ਰੈਫਰ ਕਰ ਦਿੱਤਾ ਗਿਆ ਹੈ । ਉਨ੍ਹਾਂ ਦੱਸਿਆ ਕਿ ਮਾਮੂਲੀ ਸੱਟਾਂ ਲੱਗਣ ਵਾਲੇ ਬਾਕੀ ਯਾਤਰੀਆਂ ਨੂੰ ਮੁਢਲੇ ਇਲਾਜ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ ਹੈ । ਡੰਪਰ ਟਰੱਕ ਨੂੰ ਜ਼ਬਤ ਕਰ ਲਿਆ ਗਿਆ ਹੈ ਜਦੋਂ ਕਿ ਇਸ ਦਾ ਡਰਾਈਵਰ ਹਾਦਸੇ ਤੋਂ ਬਾਅਦ ਮੌਕੇ ਤੋਂ ਫਰਾਰ ਹੋ ਗਿਆ ਹੈ । ਪੁਲਿਸ ਨੇ ਉਸ ਦੀ ਭਾਲ ਅਤੇ ਗ੍ਰਿਫਤਾਰੀ ਲਈ ਤਲਾਸ़ੀ ਸ़ੁਰੂ ਕਰ ਦਿੱਤੀ ਹੈ ।