ਈ. ਡੀ. ਨੇ ਰਿਲਾਇੰਸ ਅਨਿਲ ਅੰਬਾਨੀ ਗਰੁੱਪ ਵਿਰੁੱਧ ਜਾਂਚ ਦੌਰਾਨ 1,000 ਕਰੋੜ ਰੁਪਏ ਤੋਂ ਵੱਧ ਦੀ ਨਵੀਂ ਸੰਪਤੀ ਜ਼ਬਤ ਕੀਤੀ

ਨਵੀਂ ਦਿੱਲੀ, 11 ਜੁਲਾਈ ( ਏਜੰਸੀ ) - ਇਨਫੋਰਸਮੈਂਟ ਡਾਇਰੈਕਟੋਰੇਟ ( ਈਡੀ ) ਨੇ ਸ़ਨੀਵਾਰ ਨੂੰ ਕਿਹਾ ਕਿ ਉਸ ਨੇ ਰਿਲਾਇੰਸ ਅਨਿਲ ਅੰਬਾਨੀ ਗਰੁੱਪ ਵਿਰੁੱਧ ਮਨੀ ਲਾਂਡਰਿੰਗ ਦੀ ਜਾਂਚ ਦੇ ਹਿੱਸੇ ਵਜੋਂ 1,021 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ ਕਰਨ ਦਾ ਨਵਾਂ ਆਦੇਸ़ ਜਾਰੀ ਕੀਤਾ ਹੈ । ਏਜੰਸੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਮਨੀ ਲਾਂਡਰਿੰਗ ਰੋਕੂ ਕਾਨੂੰਨ ( ਪੀ. ਐੱਮ. ਐੱਲ. ਏ. ) ਤਹਿਤ ਜਾਰੀ ਆਰਜ਼ੀ ਆਦੇਸ़ ਵਿੱਚ ਰਿਲਾਇੰਸ ਇਨਫਰਾਸਟਰਕਚਰ ਦੁਆਰਾ ਰੱਖੇ ਗਏ ਰਿਲਾਇੰਸ੍ ਪਾਵਰ ਦੇ ਇਕੁਇਟੀ ਸ़ੇਅਰ ਅਤੇ ਸਾਸਨ ਪਾਵਰ ਅਤੇ ਰਾਇਲੰਸ ਪਾਵਰ ਤੋਂ ਪ੍ਰਾਪਤ ਹੋਣ ਵਾਲੀ ਕੁਝ ਕਰਜ਼ਾ ਰਕਮ ਨੂੰ ਜ਼ਬਤ ਕੀਤਾ ਗਿਆ ਹੈ । ਇਹ ਜਾਂਚ ਰਿਲਾਇੰਸ ਹੋਮ ਫਾਇਨਾਂਸ ਲਿਮਟਿਡ ( ਆਰ. ਐੱਚ. ਐੱਫ. ਐੱਲ. ) ਅਤੇ ਰਿਲਾਇੰਜ਼ ਕਮਰਸ़ੀਅਲ ਫਾਇਨੈਂਸ ਲਿਮਟਿਡ ( ਐੱਨ. ਆਰ. ਸੀ. ਐੱਫ਼. ਐਲ. ) ਵਿਰੁੱਧ ਸੀ. ਬੀ. ਆਈ. ਦੀ ਐਫ. ਆਈ. ਆਰ. ਤੋਂ ਸ़ੁਰੂ ਹੁੰਦੀ ਹੈ । ਈਡੀ ਦੇ ਅਨੁਸਾਰ ਜਾਂਚ ਵਿੱਚ ਪਾਇਆ ਗਿਆ ਕਿ ਆਰਐੱਚਐੱਫਐੱਲ ਅਤੇ ਆਰਸੀਐੱਫ਼ਐੱਲ ਦੁਆਰਾ ਇਕੱਠੇ ਕੀਤੇ ਗਏ 15,548 ਕਰੋੜ ਰੁਪਏ ਦੇ ਜਨਤਕ ਫੰਡਾਂ ਨੂੰ ਰਿਲਾਇੰਸ ਅਨਿਲ ਅੰਬਾਨੀ ਸਮੂਹ ਦੁਆਰਾ ਨਿਯੰਤਰਿਤ ਅਤੇ ਪ੍ਰਬੰਧਿਤ ਡਮੀ ਅਤੇ ਸਮੂਹ ਕੰਪਨੀਆਂ ਦੇ ਇੱਕ ਵੈੱਬ ਰਾਹੀਂ ਯੋਜਨਾਬੱਧ ਢੰਗ ਨਾਲ ਮੋੜਿਆ ਗਿਆ ਸੀ । ਈ. ਡੀ. ਗਰੁੱਪ ਵਿਰੁੱਧ ਮਨੀ ਲਾਂਡਰਿੰਗ ਰੋਕੂ ਕਾਨੂੰਨ ਤਹਿਤ ਦਰਜ ਚਾਰ ਐਫ. ਆਈ. ਆਰਜ਼ ਅਤੇ ਵਿਦੇਸ़ੀ ਮੁਦਰਾ ਪ੍ਰਬੰਧਨ ਐਕਟ ( ਐੱਫ. ਈ. ਐੱਮ. ਏ. ) ਦੀਆਂ ਧਾਰਾਵਾਂ ਤਹਿਤ ਤਿੰਨ ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ । ਤਾਜ਼ਾ ਆਦੇਸ़ ਨਾਲ ਇਸ ਮਾਮਲੇ ਵਿੱਚ ਕੁੱਲ ਜਾਇਦਾਦਾਂ ਦੀ ਕੀਮਤ 20,367 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ ਅਤੇ ਈ. ਡੀ. ਨੇ ਹੁਣ ਤੱਕ ਚਾਰ ਚਾਰਜਸ़ੀਟ ਦਾਇਰ ਕੀਤੀਆਂ ਹਨ ਅਤੇ ਅੱਠ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ । ਇਸ ਤੋਂ ਇਲਾਵਾ ਈ. ਡੀ. ਅਨੁਸਾਰ ਫੇਮਾ ਤਹਿਤ 77 ਕਰੋੜ 86 ਲੱਖ ਰੁਪਏ ਦੀਆਂ ਜਾਇਦਾਦਾਂ ਕੁਰਕ ਕੀਤੀਆਂ ਗਈਆਂ ਹਨ ।