ਦਿੱਲੀ ਹਾਈ ਕੋਰਟ ਨੇ 85 ਵਕੀਲਾਂ ਨੂੰ ਸੀਨੀਅਰ ਵਕੀਲ ਨਾਮਜ਼ਦ ਕੀਤਾ

ਨਵੀਂ ਦਿੱਲੀ - ਦਿੱਲੀ ਹਾਈ ਕੋਰਟ ਨੇ ਸ़ੁੱਕਰਵਾਰ ਨੂੰ 11 ਮਹਿਲਾ ਵਕੀਲਾਂ ਸਮੇਤ 85 ਵਕੀਲਾਂ ਨੂੰ ਸੀਨੀਅਰ ਵਕੀਲ ਨਾਮਜ਼ਦ ਕੀਤਾ ਹੈ । ਇਹ ਫੈਸਲਾ ਸ़ੁੱਕਰਵਾਰ ਨੂੰ ਹੋਈ ਪੂਰੀ ਅਦਾਲਤ ਦੀ ਮੀਟਿੰਗ ਵਿੱਚ ਪਾਸ ਕੀਤੇ ਗਏ ਮਤੇ ਵਿੱਚ ਲਿਆ ਗਿਆ । 85 ਨਾਵਾਂ ਵਿੱਚੋਂ 11 ਮਹਿਲਾ ਵਕੀਲ ਹਨ । ਜਿਨ੍ਹਾਂ ਵਕੀਲਾਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ, ਉਨ੍ਹਾਂ ਵਿੱਚ ਅਮਿਤ ਪ੍ਰਸਾਦ, ਸੰਜੇ ਲਾਓ, ਅੰਕੁਰ ਛਿੱਬਰ, ਅਨੁਪਮ ਐੱਸ. ਸ़ਰਮਾ, ਕਨਿਕਾ ਅਗਨੀਹੋਤਰੀ, ਪਵਨ ਦੁੱਗਲ ਅਤੇ ਵਰੀਸ़ਾ ਫਰਾਸਾਤ ਸ़ਾਮਲ ਹਨ । ਹਾਈ ਕੋਰਟ ਦੀ ਸਥਾਈ ਕਮੇਟੀ ਨੇ ਸੀਨੀਅਰ ਅਹੁਦੇ ਲਈ ਲਗਭਗ 200 ਵਕੀਲਾਂ ਦਾ ਮੁੱਲਾਂਕਣ ਕੀਤਾ ਸੀ । ਕਮੇਟੀ ਵਿੱਚ ਚੀਫ਼ ਜਸਟਿਸ ਡੀ. ਕੇ. ਉਪਾਧਿਆਏ ਅਤੇ ਦੋ ਸਭ ਤੋਂ ਸੀਨੀਅਰ ਜੱਜਾਂ - ਜਸਟਿਸ ਵੀ ਕਾਮੇਸ़ਵਰ ਰਾਓ ਅਤੇ ਨਿਤਿਨ ਡਬਲਯੂ. ਸੰਬਰੇ, ਵਧੀਕ ਸਾਲਿਸਟਰ ਜਨਰਲ ਚੇਤਨ ਸ़ਰਮਾ, ਸੀਨੀਅਰ ਵਕੀਲ ਸੰਜੇ ਜੈਨ ਅਤੇ ਦਿੱਲੀ ਹਾਈ ਕੋਰਟ ਬਾਰ ਐਸੋਸੀਏਸ़ਨ ਦੇ ਪ੍ਰਧਾਨ ਐੱਨ. ਹਰੀਹਰਣ ਸ़ਾਮਲ ਸਨ ।