યુપીની અદાલતે ગેરકાયદેસર રીતે ભારતમાં પ્રવેશ કરવા બદલ ચીની નાગરિકને 11 મહિનાની જેલની સજા સંભળાવી

મહારાજગંજ ( 6 જુલાઈ ) અહીંની એક અદાલતે સોમવારે નેપાળથી ગેરકાયદેસર રીતે ભારતમાં પ્રવેશ કરવા બદલ 62 વર્ષીય ચીની નાગરિકને 11 મહિનાની જેલની સજા સંભળાવી હોવાનું અધિકારીઓએ જણાવ્યું હતું. આ કેસ 10 ઓગસ્ટ 2025નો છે જ્યારે ભારત - નેપાળ સરહદ પર સોનૌલીમાં પોલીસે એક શંકાસ્પદ વિદેશી નાગરિકને નેપાળથી ભારતમાં પ્રવેશતો જોયો હતો. પૂછપરછ દરમિયાન વ્યક્તિએ પોતાની ઓળખ ઝાંગ યંગ તરીકે કરી હતી અને પોલીસને જણાવ્યું હતું કે તે નેપાળ ગયો હતો અને ત્યારબાદ માન્ય વિઝા વિના ભારતમાં પ્રવેશ્યો હતો. પોલીસે ફોરેનર્સ એક્ટ હેઠળ કેસ નોંધ્યો હતો અને કોર્ટમાં આરોપપત્ર દાખલ કર્યું હતું. સુનાવણી દરમિયાન અદાલતે શાંક્સિયા નિંગક્સિયા ચાઇનાના રહેવાસી ઝાંગ યંગને દોષી ઠેરવ્યો હતો. સોમવારે એડિશનલ ડિસ્ટ્રિક્ટ એન્ડ સેશન્સ જજ સંજય કુમાર મિશ્રાએ દોષિતને 11 મહિનાની જેલની સજા સંભળાવી હતી અને રૂ. 5,000નો દંડ ફટકાર્યો હતો. દંડની ચુકવણી ન કરવામાં આવે તો દોષિતને વધારાની એક મહિનાની જેલની સજા ભોગવવી પડશે તેમ એડિશનલ પોલીસ સુપ્રિટેન્ડન્ટ સિદ્ધાર્થે જણાવ્યું હતું.