ઝારખંડના લાતેહારમાં વીજળી પડવાથી બેના મોત

ઝારખંડના લાતેહાર જિલ્લામાં ગુરુવારે બપોરે વીજળી પડવાથી બે લોકોનાં મોત થયાં હોવાનું પોલીસે જણાવ્યું હતું. આ ઘટના સદર પોલીસ સ્ટેશનની હદ હેઠળના બાજકુમમાં બની હતી જ્યારે બંને વરસાદ દરમિયાન એક ઝાડ નીચે ઊભા હતા. મૃતકોની ઓળખ પીયૂષ કુમાર ( 20 ) અને પવન કુમાર ( 18 ) તરીકે થઈ છે. સદર પોલીસ સ્ટેશનના પ્રભારી રમાકાંત ગુપ્તાએ જણાવ્યું હતું કે તેમને સદર હોસ્પિટલમાં લઈ જવામાં આવ્યા હતા જ્યાં ડોક્ટરોએ તેમને મૃત જાહેર કર્યા હતા. મૃતદેહોને પોસ્ટમોર્ટમ માટે મોકલી દેવાયા હતા. મૃતક યુવકના એક મિત્રે જણાવ્યું હતું કે બંને કોઈ કામ માટે નવોદય વિદ્યાલય જઈ રહ્યા હતા ત્યારે તેમને વીજળી પડી હતી.