જમ્મુ - કાશ્મીરના ગાંદરબલમાં અકસ્માત, સીઆરપીએફના છ જવાન ઘાયલ

શ્રીનગરઃ જમ્મુ અને કાશ્મીરના ગાંદરબલ જિલ્લામાં સોનમર્ગ ટનલ નજીક શુક્રવારે એક વાહનમાં અકસ્માત થતાં છ સીઆરપીએફ જવાન ઘાયલ થયા હોવાનું અધિકારીઓએ જણાવ્યું હતું. અધિકારીઓએ જણાવ્યું હતું કે, મધ્ય કાશ્મીર જિલ્લામાં શ્રીનગર - લેહ રાષ્ટ્રીય ધોરીમાર્ગ પર સોનમર્ગ ટનલ નજીક સીઆરપીએફનું એક વાહન રસ્તા પરથી લપસી ગયું હતું અને આ અકસ્માતમાં છ સીઆરપીએફ જવાન ઘાયલ થયા હતા. ઘાયલોને સ્થળ પર પ્રાથમિક સારવાર આપવામાં આવી હતી અને બાદમાં વધુ સારવાર માટે ગુંડ ખાતે નજીકના સીઆરપીએફ કેમ્પમાં ખસેડવામાં આવ્યા હતા. એમ અધિકારીઓએ ઉમેર્યું હતું.