રંગાસામીએ પાંચમી વખત પુડુચેરીના મુખ્યમંત્રી તરીકે શપથ લીધા

ચેન્નાઈઃ 13 મે ( પી. ટી. આઈ. ) પીઢ રાજકીય નેતા અને એ. આઈ. એન. આર. સી. ના સ્થાપક એન. રંગાસામીએ બુધવારે પાંચમી વખત પુડુચેરીના મુખ્યમંત્રી તરીકે શપથ લીધા હતા. કેબિનેટના અન્ય બે સભ્યો - પ્રાદેશિક પક્ષના મલ્લાદી કૃષ્ણ રાવ અને ભાજપના એ. નમસ્સિવાયમે પણ એઆઈએનઆરસીની આગેવાનીવાળી એનડીએ સરકારમાં મંત્રી તરીકે શપથ લીધા હતા. લેફ્ટનન્ટ ગવર્નર કે. કૈલાશનાથને મુખ્યમંત્રી અને તેમના મંત્રીમંડળ સહયોગીઓને હોદ્દા અને ગુપ્તતાના શપથ લેવડાવ્યા. રંગાસામીએ ભગવાનના નામે શપથ લીધા. રાવે તેલુગુમાં શપથ લીધા. તેઓ આંધ્રપ્રદેશમાં પુડુચેરીના એન્ક્લેવ યાનમનું પ્રતિનિધિત્વ કરે છે. મંચ પર ભાજપના રાષ્ટ્રીય અધ્યક્ષ નીતિન નબીન અને વરિષ્ઠ નેતા બી. એલ. સંતોષ હાજર હતા. એનડીએએ કેન્દ્રશાસિત પ્રદેશમાં 9 એપ્રિલની ચૂંટણીમાં જીત મેળવી હતી અને સત્તા જાળવી રાખી હતી. રાષ્ટ્રપતિ દ્રૌપદી મુર્મુએ રંગાસામીને મુખ્યમંત્રી તરીકે નિયુક્ત કર્યા હતા.