રામ મંદિરના દાનની ચોરી મામલે કોર્ટે 3 આરોપીઓના પોલીસ રિમાન્ડ મંજૂર કર્યા

અયોધ્યાઃ અયોધ્યાની એક સ્થાનિક અદાલતે અહીંના રામ મંદિરમાંથી દાનની કથિત ચોરીના સંબંધમાં ધરપકડ કરાયેલા આઠ આરોપીઓમાંથી ત્રણને એક દિવસના પોલીસ રિમાન્ડ આપ્યા હોવાનું પોલીસ સૂત્રોએ જણાવ્યું હતું. કોર્ટે અનુકલ્પ મિશ્રા લવકુશ મિશ્રા અને કરુણેશ પાંડેના રિમાન્ડને અધિકૃત કર્યા હોવાનું સૂત્રોએ ઉમેર્યું હતું. 29 જૂનના રોજ અયોધ્યાની સ્થાનિક અદાલતે તમામ આઠ આરોપીઓને 14 દિવસની ન્યાયિક કસ્ટડીમાં મોકલી દીધા હતા. ફરિયાદી પક્ષ અનુસાર 5 જુલાઈના રોજ જેલમાં રહેલા અન્ય પાંચ આરોપીઓની પૂછપરછમાંથી એકત્ર કરાયેલા નવા પુરાવા સાથે તેમનો સામનો કરવા માટે ત્રણેય વ્યક્તિઓની કસ્ટોડિયલ પૂછપરછ જરૂરી હતી.