મણિપુરના કાંગપોકપીમાં વ્યક્તિની ગોળી મારીને હત્યા

ઇમ્ફાલ 12 જુલાઈ ( પી. ટી. આઈ. ) મણિપુરના કાંગપોકપી જિલ્લામાં શનિવારે સાંજે ડાંગરના ખેતરમાં કામ કરતા 53 વર્ષીય વ્યક્તિની કેટલાક સશસ્ત્ર લોકોએ ગોળી મારીને હત્યા કરી હોવાનું અધિકારીઓએ જણાવ્યું હતું. કુકી બહુમતી જિલ્લાના ગોવાજાંગ ગામના રહેવાસી હાઓલાલ સિંગસિટ સ્થળ પર જ મૃત્યુ પામ્યા હતા, જ્યારે તેમની પત્ની નેમનીકિમ સિંગસિટનો આબાદ બચાવ થયો હતો. ગામલોકોએ અધિકારીઓને જણાવ્યું હતું કે તેઓએ શનિવારે સાંજે 4 વાગ્યાની આસપાસ લગભગ 20 રાઉન્ડ ગોળીબારનો અવાજ સાંભળ્યો હતો. સુરક્ષા દળો આ વિસ્તારમાં દોડી આવ્યા હતા અને મૃતદેહ મળી આવ્યો છે.