દિલ્હીના મુખ્યમંત્રી રેખા ગુપ્તાએ ભાજપના 3 ધારાસભ્યોને સરકારના પ્રવક્તા તરીકે નિયુક્ત કર્યા

મુખ્યમંત્રી રેખા ગુપ્તા દ્વારા શુક્રવારે દિલ્હી સરકારના પ્રવક્તા તરીકે ભાજપના ત્રણ ધારાસભ્યોની નિમણૂક કરવામાં આવી છે. અભય વર્માને લક્ષ્મીનગરના ધારાસભ્ય તરીકે સરકારના મુખ્ય પ્રવક્તા તરીકે નિયુક્ત કરવામાં આવ્યા છે. વર્મા વિધાનસભામાં ભાજપના મુખ્ય વ્હિપ અને રાજ્ય પક્ષના એકમના મુખ્ય પ્રવક્તા પણ છે. અન્ય બે ધારાસભ્યો આર. કે. પુરમના ધારાસભ્ય અનિલ શર્મા અને મોતી નગરના ધારાસભ્ય હરીશ ખુરાના છે. ખુરાના રાજ્યના પૂર્વ મુખ્યમંત્રી મદનલાલ ખુરાનાના પુત્ર છે અને સમાચાર ચેનલો પર પક્ષનો જાણીતો ચહેરો છે. મુખ્યમંત્રીએ નિવેદનમાં જણાવ્યું હતું કે, " તેઓ સરકારની નીતિઓ - નિર્ણયો અને જાહેર કલ્યાણ પહેલ સંબંધિત સત્તાવાર માહિતીનો નાગરિકો અને માધ્યમો સુધી સમયસર અને અસરકારક પ્રસાર સુનિશ્ચિત કરશે ". આ નિમણૂકો તાત્કાલિક અમલમાં આવી ગઈ છે એમ CMOએ જણાવ્યું હતું. ગુપ્તાએ જણાવ્યું હતું કે સરકારે પારદર્શક જવાબદાર અને નાગરિક કેન્દ્રિત શાસન પ્રત્યેની તેની પ્રતિબદ્ધતાને મજબૂત કરવા માટે આ નિર્ણાયક નિર્ણય લીધો છે. આ વ્યવસ્થા દ્વારા સરકારના નીતિગત નિર્ણયો, વિકાસ કાર્યો અને જાહેર કલ્યાણ યોજનાઓ સંબંધિત સત્તાવાર અને તથ્યાત્મક માહિતી નાગરિકો અને મીડિયાને સમયબદ્ધ રીતે પહોંચાડવામાં આવશે. તેઓ વિવિધ વિભાગો પાસેથી પ્રાપ્ત અધિકૃત માહિતીના આધારે જાહેર જનતા સુધી સરકારના દ્રષ્ટિકોણને પહોંચાડવા માટે જવાબદાર રહેશે.