Swadesi Newsdesk #8

വാഷിങ്ടൺ: രാജ്യത്തെ ഹാർവാർഡ് സർവകലാശാലയിലേക്ക് പഠിക്കാൻ എത്തുന്ന എല്ലാ വിദേശ വിദ്യാർത്ഥികളുടെയും പ്രവേശനത്തെ വിലക്കി പ്രസിഡന്റ് ഡൊണാൾഡ് ട്രംപ്. ബുധനാഴ്ച ഒപ്പുവെക്കപ്പെട്ട ഒരു ഉത്തരവിൽ ഹാർവാർഡ് കാമ്പസിൽ വിദേശ വിദ്യാർത്ഥികൾക്ക് പഠനം അനുവദിക്കുന്നത് ദേശീയ സുരക്ഷയ്ക്ക് ഭീഷണിയാണെന്ന് ട്രംപ് പ്രഖ്യാപിച്ചു. “മുകളിൽ പറഞ്ഞിരിക്കുന്ന വിഭാഗത്തിൽപ്പെട്ട വിദേശ പൗരന്മാരുടെ പ്രവേശനം അമേരിക്കയുടെ താത്പര്യങ്ങൾക്കെതിരാണെന്ന് ഞാൻ തീരുമാനിച്ചിരിക്കുകയാണ്. ഹാർവാർഡിന്റെ സമീപനത്തെ അടിസ്ഥാനമാക്കി, വിദേശ വിദ്യാർത്ഥികൾക്കും ഗവേഷകർക്കും അനുയോജ്യമായ ലക്ഷ്യസ്ഥാനമല്ല എന്നതാണ് എന്റെ വിലയിരുത്തൽ,” എന്ന് ട്രംപ് ഉത്തരവിൽ കുറിച്ചു.

മനുഷ്യാവകാശ പ്രവർത്തകൻ ജസ്വന്ത് സിംഗ് ഖൽറയുടെ ജീവിതത്തെ ആസ്പദമാക്കി നിർമ്മിച്ച നടനും ഗായകനുമായ ദിൽജിത് ദോസാഞ്ചിന്റെ ഏറെ പ്രതീക്ഷയോടെ കാത്തിക്കുന്ന ചിത്രമായ ‘പഞ്ചാബ് ’95’ പ്രദർശനത്തിനു മുന്നോടിയായി വലിയ വെല്ലുവിളികളാണ് നേരിടുന്നത്. ഹണി ത്രേഹാൻ സംവിധാനം ചെയ്ത് റോണി സ്ക്രൂവാല നിർമ്മിച്ച ചിത്രം രണ്ട് വർഷത്തിലധികമായി സെൻസർ ബോർഡുമായുള്ള സംഘർഷത്തിലാണ്. കേന്ദ്ര സിനിമ സർട്ടിഫിക്കേഷൻ ബോർഡുമായി (CBFC) ചിത്രം നേരിടുന്ന പ്രശ്നങ്ങൾ കാരണം പ്രദർശനം നിരവധി തവണയായി മാറ്റിവെക്കപെടുന്നു. ഇത് സമൂഹമാധ്യമങ്ങളിൽ വലിയ ചർച്ചകൾക്കാണ് വഴിവെക്കപ്പെട്ടത്.