உக்ரைனுக்கான இந்தியாவின் அடுத்த தூதராக அஞ்சனி குமார் நியமனம்

புதுடெல்லிஃ உக்ரைனுக்கான இந்தியாவின் அடுத்த தூதராக தூதர் அஞ்சனி குமார் நியமிக்கப்பட்டுள்ளதாக வெளியுறவு அமைச்சகம் புதன்கிழமை தெரிவித்துள்ளது. விரைவில் அவர் இந்தப் பொறுப்பை ஏற்றுக்கொள்வார் என்று எதிர்பார்க்கப்படுகிறது. தற்போது தலைமையகத்தில் இணைச் செயலாளராக உள்ள அஞ்சனி குமார், உக்ரைனுக்கான இந்தியாவின் அடுத்த தூதராக நியமிக்கப்பட்டுள்ளார் என்று வெளியுறவு அமைச்சகம் ஒரு அறிக்கையில் தெரிவித்துள்ளது. உக்ரைன் தற்போது ரஷ்யாவுடன் நான்கு ஆண்டுகளுக்கும் மேலாக நீடித்த மோதலில் ஈடுபட்டுள்ளது. உக்ரேனிய அதிபர் வோலோடிமிர் ஜெலென்ஸ்கியின் அழைப்பின் பேரில் பிரதமர் நரேந்திர மோடி ஆகஸ்ட் 2024 இல் உக்ரைனுக்கு விஜயம் செய்தார். 1992 ஆம் ஆண்டில் இரு நாடுகளுக்கும் இடையே இராஜதந்திர உறவுகள் நிறுவப்பட்டதிலிருந்து இந்தியப் பிரதமர் ஒருவர் உக்ரெய்னுக்குச் செல்வது இதுவே முதல் முறையாகும் என்று வெளியுறவுத் துறை முன்பு கூறியிருந்தது.