ചണ്ഡീഗഢ്: ഹരിയാനയിലെ പഞ്ച്കുല ജില്ലയിലെ ഒരു ഷോപ്പിംഗ് മാളിന് സമീപം അജ്ഞാതരായ ആയുധധാരികളുടെ വെടിയേറ്റ് ഒരാൾ മരിച്ചു, സംഭവത്തിൽ കൊല്ലപ്പെട്ട വ്യക്തിയുടെ കൂടെയുണ്ടായിരുന്ന ഒരാൾക്ക് പരിക്കേറ്റു. വെള്ളിയാഴ്ച്ചയാണ് സംഭവം അരങ്ങേറിയതെന്ന് പോലീസ് പറഞ്ഞു.
വെള്ളിയാഴ്ച വൈകുന്നേരം പിഞ്ചോർ പ്രദേശത്താണ് സംഭവം നടന്നത്. സോനു നോൾട്ട( 30) ആണ് കൊല്ലപ്പെട്ടത്. പ്രിൻസ് എന്നയാൾക്കാണ് പരിക്കേറ്റത്. ഇയാൾ നിലവിൽ ആശുപത്രി ചികിത്സയിലാണ്.
അജ്ഞാതരായ ആയുധധാരികൾ വെടിയുതിർത്തതിനെ തുടർന്നാണ് സോനു നോൾട്ട കൊല്ലപ്പെട്ടത്. നോൾട്ടയുടെ പേരിൽ കലാപം സംബന്ധിച്ച കേസുകൾ നിലനിൽക്കുന്നുണ്ടെന്ന് ഡിസിപി സൃഷ്ടി ഗുപ്ത മാധ്യമങ്ങളോട് പറഞ്ഞു.
ഡിസിപി പറഞ്ഞു, സോഷ്യൽ മീഡിയയിൽ ഒരാൾ ഇത്തരം ഒരു പോസ്റ്റ് ഇട്ടിട്ടുണ്ട്, അതിൽ ഇക്കാര്യത്തിന് താൻ ഉത്തരവാദിയാണെന്നും, പിടികൂടിയ ആളുകൾ ഒരു ഗാംഗുമായി ബന്ധപ്പെട്ടവരാണെന്നും അവകാശപ്പെട്ടിരിക്കുന്നു. “പ്രാഥമിക അന്വേഷണത്തിൽ ഒരു ഗാംഗിന്റേയും പങ്കാളിത്തവും കണ്ടെത്താൻ സാധിച്ചില്ല. കൊലയ്ക്ക് പിന്നിലെ കാരണമെന്താണെന്ന് ഇപ്പോഴും കണ്ടെത്താൻ സാധിച്ചിട്ടില്ല. എന്നാൽ എല്ലാ കോണിൽ നിന്നും അന്വേഷണം നടത്തുന്നുണ്ട്,” അവർ കൂട്ടിച്ചേർത്തു
