മനുഷ്യാവകാശ പ്രവർത്തകൻ ജസ്വന്ത് സിംഗ് ഖൽറയുടെ ജീവിതത്തെ ആസ്പദമാക്കി നിർമ്മിച്ച നടനും ഗായകനുമായ ദിൽജിത് ദോസാഞ്ചിന്റെ ഏറെ പ്രതീക്ഷയോടെ കാത്തിക്കുന്ന ചിത്രമായ ‘പഞ്ചാബ് ’95’ പ്രദർശനത്തിനു മുന്നോടിയായി വലിയ വെല്ലുവിളികളാണ് നേരിടുന്നത്.
ഹണി ത്രേഹാൻ സംവിധാനം ചെയ്ത് റോണി സ്ക്രൂവാല നിർമ്മിച്ച ചിത്രം രണ്ട് വർഷത്തിലധികമായി സെൻസർ ബോർഡുമായുള്ള സംഘർഷത്തിലാണ്.
കേന്ദ്ര സിനിമ സർട്ടിഫിക്കേഷൻ ബോർഡുമായി (CBFC) ചിത്രം നേരിടുന്ന പ്രശ്നങ്ങൾ കാരണം പ്രദർശനം നിരവധി തവണയായി മാറ്റിവെക്കപെടുന്നു. ഇത് സമൂഹമാധ്യമങ്ങളിൽ വലിയ ചർച്ചകൾക്കാണ് വഴിവെക്കപ്പെട്ടത്.
