മൊരിഗാവ്: ആസാമിലെ മൊരിഗാവ് ജില്ലയിലെ ഡാപ്പോണിബാരിയെന്ന ഗ്രാമത്തിൽ ആഫ്രിക്കൻ സ്വൈൻ ഫീവർ സ്ഥിരീകരിച്ചു. രോഗം പടർന്ന സാഹചര്യത്തിൽ പ്രദേശത്ത് നിയന്ത്രണങ്ങൾ ഏർപ്പെടുത്തി.
ജില്ലാ ഭരണകൂടം പുറപ്പെടുവിച്ച ഉത്തരവിൽ, ഗ്രാമത്തിന് ഒരു കിലോമീറ്റർ ചുറ്റളവിൽ വരുന്ന ഗ്രാമങ്ങൾ ‘രോഗബാധിത മേഖല’യായും 10 കിലോമീറ്റർ പരിധിയിൽ വരുന്ന ഗ്രാമങ്ങൾ ‘നിരീക്ഷണ മേഖല’യായും പ്രഖ്യാപിച്ചു.
രോഗബാധിത മേഖലയിലും പുറത്തുമായി ജീവിച്ചിരിക്കുന്ന പന്നികളെയും, പോർക്കും അതുമായി ബന്ധപ്പെട്ട ഉൽപ്പന്നങ്ങളും കടത്തുന്നതും വിലപ്പനയ്ക്ക് വെക്കുന്നതും, അതുമായി ബന്ധപ്പെട്ട മേളകളും കർശനമായി നിരോധിച്ചിരിക്കുന്നു
