ന്യൂഡൽഹി: പാർലമെന്റിന്റെ വർഷകാല സമ്മേളനം ജൂലൈ 21 മുതൽ ഓഗസ്റ്റ് 12 വരെ നടക്കുമെന്ന് കേന്ദ്രമന്ത്രി കിരൺ റിജിജു ബുധനാഴ്ച അറിയിച്ചു.
പ്രതിരോധ മന്ത്രി രാജ്നാഥ് സിംഗ് അധ്യക്ഷനായ പാർലമെന്ററികാര്യ മന്ത്രിസഭാ സമിതിയാണ് തീയതി ശുപാർശ ചെയ്തതെന്ന് റിജിജു മാധ്യമങ്ങളോട് പറഞ്ഞു.
ഓപ്പറേഷൻ സിന്ധൂർ വിഷയത്തിൽ ചർച്ചക്കായി പ്രതിപക്ഷ നേതാക്കൾ പ്രത്യേക സമ്മേളനം ആവശ്യപ്പെട്ട പശ്ചാത്തലത്തിലാണ് റിജിജുവിന്റെ പ്രഖ്യാപനം.
“നിയമ പ്രകാരം എല്ലാ വിഷയങ്ങളും മൺസൂൺ സെഷനിൽ ചർച്ച ചെയ്യാനാകും,” പ്രതിപക്ഷത്തിന്റെ ആവശ്യം സംബന്ധിച്ചുള്ള ചോദ്യത്തിന് മറുപടി നൽകുന്നതിനിടെ മന്ത്രി പറഞ്ഞു.
