ഉത്തരപ്രദേശ് : അമേത്തിയിൽ 22ക്കാരനായ ദളിത് യുവാവിനെ കഴുത്തറുത്ത് കൊലപ്പെടുത്തിയ നിലയിൽ കണ്ടെത്തിയതായി പോലീസ് അറിയിച്ചു.
സാഗര്‍ കോറി (22) ആണ് കൊല്ലപ്പെട്ടത്. പുരേ രാം ചൗഹാന്‍ ക പുര്വ ഗ്രാമത്തിലെ സ്വദേശിയായ യുവാവിന്റെ മൃതദേഹം, പശുത്തൊഴുത്തിൽ നിന്നുമാണ് കണ്ടെത്തിയതെന്ന് ഉദ്യോഗസ്ഥർ അറിയിച്ചു.
ചൊവ്വാഴ്ച്ച രാത്രി 11 മണിയോടെയാണ് യുവാവിനെ കാണാതായത്. ബുധനാഴ്ച പുലർച്ചെ വീട്ടിനു സമീപമാണ് മൃതദേഹം കണ്ടെത്തിയത്.
മൃതദേഹം പോസ്റ്റ്മോർട്ടത്തിനായി അയച്ചിട്ടുണ്ടെന്ന് സംഗ്രാംപൂർ സ്റ്റേഷൻ ഹൗസ് ഓഫീസർ ബ്രിജേഷ് സിംഗ് അറിയിച്ചു.
നിയമപരമായ നടപടികൾ പുരോഗമിക്കുകയാണ്.
കൊലപാതകത്തിന് പിന്നിലെ കാരണവും പ്രതികളെ കണ്ടെത്താനും അന്വേഷണം തുടരുകയാണെന്ന് പോലീസ് അറിയിച്ചു.
