ന്യൂഡൽഹി: ഓപ്പറേഷൻ സിന്ദൂർ വിഷയത്തിൽ പ്രത്യേക പാർലമെന്റ് സമ്മേളനം വിളിക്കണമെന്നാവശ്യപ്പെട്ട് 16 പ്രതിപക്ഷ പാർട്ടികളുടെ നേതാക്കൾ പ്രധാനമന്ത്രി നരേന്ദ്ര മോദിക്ക് കത്തെഴുതി. ഇന്ത്യാ മുന്നണിക്കു കീഴിലുള്ള പാർട്ടികൾ ഈ വിഷയത്തിൽ ചർച്ച നടത്തുന്നതിനായി ചൊവ്വാഴ്ച ദേശീയ തലസ്ഥാനത്ത് യോഗം ചേർന്നിരുന്നു.
കോൺഗ്രസ്, തൃണമൂൽ കോൺഗ്രസ്, രാഷ്ട്രീയ ജനതാ ദൾ, സമാജ്‌വാദി പാർട്ടി, ശിവസേന തുടങ്ങിയ രാഷ്ട്രീയ പാർട്ടികളുടെ നേതാക്കൾ യോഗത്തിൽ പങ്കെടുത്തിരുന്നു.
