കീവ് : യുക്രെയ്നിലെ വടക്കൻ നഗരമായ പ്രിലുക്കിയിൽ റഷ്യ നടത്തിയ ഡ്രോൺ ആക്രമണത്തിൽ ഒരുവയസ്സുകാരൻ ഉൾപ്പെടെ അഞ്ചുപേർ കൊല്ലപ്പെട്ടു. ആറ് പേർക്ക് പരിക്കേറ്റു. വ്യാഴാഴ്ച പുലർച്ചെയായിരുന്നു ആക്രമണം.
അതേ ദിവസം, കിഴക്കൻ നഗരമായ ഖാർകീവിലെയും ഡ്രോൺ ആക്രമണത്തിൽ കുട്ടികളും ഗർഭിണിയും, വായോധികനും ഉൾപ്പെടെ 17 പേർക്ക് പരിക്കേറ്റതായി അധികൃതർ അറിയിച്ചു. റഷ്യൻ ശാഹിദ് ഡ്രോണുകൾ താമസക്കെട്ടിടങ്ങൾ തകർക്കുകയും തീപിടിത്തവും വാഹനങ്ങൾക്ക് നാശം സൃഷ്ടിക്കുകയും ചെയ്തു.
