ഇസ്ലാമാബാദ് : പഹൽഗാം ഭീകരാക്രമണത്തിൽ തങ്ങൾക്ക് പങ്കുണ്ടെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയിൽ ആശങ്ക പ്രകടിപ്പിച്ച് പാക്കിസ്ഥാൻ. പഹൽഗാം ആക്രമണത്തിൽ 26 പേർ കൊല്ലപ്പെട്ടിരുന്നു.
“പഹൽഗാം ഭീകരാക്രമണത്തിലൂടെ ‘ഇൻസാനിയത്’ (മാനവികത), ‘കശ്മീരിയത്ത്’ (കശ്മീരി തത്വം) ലക്ഷ്യമിട്ടാണ് നമ്മുടെ അയൽരാജ്യം പ്രവർത്തിച്ചത്. ഇത് മാനവികതയ്ക്കും സാമൂഹ്യ ഐക്യത്തിനും സാമ്പത്തിക സമൃദ്ധിക്കും എതിരായ പ്രവർത്തനമാണ്” ജമ്മു-കശ്മീരിലെ കത്രയിൽ നടന്ന ഒരു റാലിയിൽ സംസാരിക്കവെ മോദി പാകിസ്ഥാനു നേരെ ആരോപണമുന്നയിച്ചു. “ഇത് ദരിദ്രരുടെ ‘രോട്ടി-രൂട്ടി’ (ഉപജീവനം)യ്ക്കും എതിരാണ്. പഹൽഗാം ആക്രമണം ഇന്ത്യയിൽ മതവിഭാഗീയതയും അശാന്തി ഉണ്ടാക്കാനും കഠിനാദ്ധ്വാനം ചെയ്യുന്ന കശ്മീരികളുടെ വരുമാനം തടസ്സപ്പെടുത്താനും ലക്ഷ്യമിട്ടുള്ളതായിരുന്നു” മോദി വിവരിച്ചു.
“ഇന്ത്യൻ പ്രധാനമന്ത്രി നടത്തിയ ആരോപണങ്ങൾ അടിസ്ഥാനരഹിതമാണെന്നും തെറ്റിദ്ധാരണ സൃഷ്ടിക്കുന്നതുമാണെന്നും, ഞങ്ങൾ ഇതിനെ ശക്തമായി നിരാകരിക്കുന്നു എന്നുമാണ് പ്രസ്താവനകളെക്കുറിച്ച് പാക്കിസ്ഥാൻ വിദേശകാര്യ മന്ത്രാലയം പ്രതികരിച്ചു.
ഈ ആക്രമണത്തിൽ തങ്ങൾക്ക് ഒരു പങ്കുമില്ലെന്നും, ഇത് തെളിയിക്കാൻ ഇന്ത്യൻ പ്രധാനമന്ത്രി വിശ്വസനീയമായ തെളിവുകളൊന്നും നൽകിയിട്ടില്ലെന്നും പ്രസ്താവനയിൽ പറയുന്നു”.
പഹൽഗാം ഭീകരാക്രമണത്തിന് ഏകദേശം രണ്ടാഴ്ച്ചയ്ക്കു ശേഷം, ഇന്ത്യ “ഓപ്പറേഷൻ സിന്ദൂർ” ആരംഭിക്കുകയും, പാകിസ്താനിലും പാകിസ്താൻ-നിയന്ത്രണത്തിലുള്ള കശ്മീരിലും ഭീകര സംഘടനകളുടെ കേന്ദ്രങ്ങൾ ലക്ഷ്യമാക്കി സൈനിക നടപടി സ്വീകരിച്ചു. നാല് ദിവസത്തെ തീവ്രമായ ഡ്രോൺ, മിസൈൽ ആക്രമണങ്ങൾക്ക് ശേഷം, മെയ് 10-ന് ഇന്ത്യ-പാകിസ്താൻ തമ്മിൽ യുദ്ധവിരാമത്തിൽ എത്തിച്ചേരുകയായിരുന്നു.
