ന്യൂഡൽഹി: ഐപിഎല്ലിൽ ആർസിബിയുടെ വിജയാഘോഷങ്ങൾക്കിടെ ബംഗളൂരിലെ ചിന്നസ്വാമി സ്റ്റേഡിയത്തിന് സമീപത്തുണ്ടായ ദുരന്തത്തിൽ ജീവൻ നഷ്ടപ്പെട്ടവർക്ക് അനുശോചനം അറിയിച്ച് ഇന്ത്യൻ ക്രിക്കറ്റ് ഇതിഹാസം സച്ചിൻ തെൻഡുൽക്കർ. സംഭവം ദുരന്തത്തിനുമതീതമാണെന്ന് താരം പറഞ്ഞു.
ദുരന്തത്തിൽ 11 പേർ മരിക്കുകയും 30-ലധികം പേർക്ക് പരിക്കേറ്റതായും റിപ്പോർട്ടുകളുണ്ട്.
‘ബംഗളൂരുവിലെ ചിന്നസ്വാമി സ്റ്റേഡിയത്തിൽ സംഭവിച്ചത് ദുരന്തത്തിനും അതീതമാണ്. മരണപ്പെട്ടവരുടെ കുടുംബത്തിന്റെ ദുഃഖത്തിൽ ഞാൻ പങ്കുചേരുന്നു.’ സച്ചിൻ X- ൽ കുറിച്ചു.
