ന്യൂഡൽഹി: എൻഡിഎ സർക്കാരിന്റെ 11 വർഷത്തെ സേവനം ജനങ്ങളിലേക്ക് എത്തിക്കാൻ സർക്കാർ ഒരുക്കങ്ങൾ നടത്തുന്ന സാഹചര്യത്തിൽ, ദരിദ്രരുടെ ക്ഷേമത്തിനും വികസനത്തിനും തന്റെ സർക്കാർ പ്രതിബദ്ധമാണെന്ന് പ്രധാനമന്ത്രി നരേന്ദ്ര മോദി പറഞ്ഞു.
പൊതുജനങ്ങളിലേക്കുള്ള പ്രവർത്തനങ്ങൾ കൂടുതൽ ഫലപ്രദമാക്കാൻ ബദൽ നിക്ഷേപ ഇടപാടുകൾ, ഡിജിറ്റൽ സേവനങ്ങൾ, ഗ്രാമീണ അടിസ്ഥാന സൗകര്യങ്ങൾ തുടങ്ങിയ മേഖലയിലായി സർക്കാർ പ്രവർത്തിക്കുന്നതായി മോദി വ്യക്തമാക്കി.
“പിഎം ആവാസ് യോജന, ഉജ്ജ്വല യോജന, ജനധൻ യോജന, ആയുഷ്മാൻ ഭാരത് തുടങ്ങിയ പദ്ധതികൾ വാസസ്ഥലം, പാചകവാതകം, ബാങ്കിംഗ്, ആരോഗ്യം എന്നിവയുടെ ലഭ്യത വർദ്ധിപ്പിച്ചിട്ടുണ്ട്. ഈ നയങ്ങളാണ് 25 കോടിയിലധികം ആളുകളെ ദാരിദ്ര്യരേഖയ്ക്കും മുകളിലേക്കുയർത്തിയത്,” എന്നും അദ്ദേഹം കൂട്ടിച്ചേർത്തു.
ജൂൺ 9-ന് മൂന്നാം മോദിസർക്കാരിന്റെ ഒന്നാം വാർഷികം ആഘോഷിക്കുനത്തിനോടാനുബന്ധിച്ചു നടത്തിയ മന്ത്രിസഭ യോഗത്തിൽ, ഉയർന്ന ലക്ഷ്യങ്ങൾ നിശ്ചയിച്ച് അവ കൈവരിക്കുന്നതിനായി എല്ലാ മന്ത്രാലയങ്ങൾക്കും നിർദ്ദേശം നൽകുകയും, സർക്കാരിന്റെ നേട്ടങ്ങൾ ജനങ്ങളിലേക്കെത്തിക്കാൻ സജീവമായി പ്രവർത്തിക്കണമെന്നും പ്രധാനമന്ത്രി നിർദ്ദേശിച്ചു.
