ന്യൂഡൽഹി: “ദക്ഷിണ കൊറിയയുടെ (റിപബ്ലിക് ഓഫ് കൊറിയ) പ്രസിഡന്റായി തെരഞ്ഞെടുക്കപ്പെട്ട ലീ ജെ മ്യൂങിന് ഹൃദയപൂർവം ആശംസകൾ. ഇന്ത്യ-കൊറിയ പങ്കാളിത്തം കൂടുതൽ ശക്തിപ്പെടുത്താനും വികസിപ്പിക്കാനും ഒരുമിച്ച് പ്രവർത്തിക്കാൻ ആഗ്രഹിക്കുന്നു.” മോദി X-ൽ കുറിച്ചു.
ലിബറൽ പ്രതിപക്ഷ സ്ഥാനാർത്ഥിയായ ലീ ജെ മ്യൂങാണ് ബുധനാഴ്ച രാവിലെ നടന്ന തെരഞ്ഞെടുപ്പിൽ വിജയിച്ചത്. മുൻ കൺസർവേറ്റീവ് നേതാവായ യൂൺ സുക് യോൾ അടിയന്തരമായി സൈനികനിയമം ഏർപ്പെടുത്തിയതിനെ തുടർന്നുണ്ടായ രാഷ്ട്രീയ കൊലാഹലത്തിന് പിന്നാലെയാണ് ഈ വിജയം. യൂൺ സുക് യോളിനെ പിന്നീട് അധികാരത്തിൽ നിന്നും നീക്കിയിരുന്നു.
