താനെ: നഗരത്തിൽ നാല് പുതിയ കോവിഡ്-19 കേസുകൾ റിപ്പോർട്ട് ചെയ്യപ്പെട്ടു. ഇതോടെ ആകെ രോഗ ബാധിതരുടെ എണ്ണം 130 ആയി. താനെ മുനിസിപ്പൽ കോർപ്പറേഷനാണ് വിവരം പുറത്തുവിട്ടത്.
നഗരത്തിൽ ഇതുവരെ ഒരു കോവിഡ് മരണം മാത്രമാണ് റിപ്പോർട്ട് ചെയ്തത്. ഭൂരിഭാഗം രോഗികളും ഹോം ഐസൊലേഷൻ പൂർത്തിയാക്കി സുഖം പ്രാപിച്ചിട്ടുണ്ട്. നിലവിൽ 12 പേർ ആശുപത്രിയിൽ ചികിത്സയിലാണ്. ഇവരുടെ നില മെച്ചപ്പെട്ടു വരുന്നുണ്ട്. 25 പേർ വീട്ടിൽ ക്വാറന്റൈനിലാണ്.
