ചണ്ഡിഗഡ് : പാകിസ്ഥാന് വേണ്ടി ചാരവൃത്തി നടത്തിയ കേസിൽ അറസ്റ്റിലായ ഹരിയാന സ്വദേശി യൂട്യൂബര്‍ ജ്യോതി മല്‍ഹോത്രയുമായി അടുത്ത ബന്ധം പുലർത്തിയ പഞ്ചാബ് സ്വദേശിയായ യൂട്യൂബറെ പൊലീസ് പിടികൂടി.
ജ്യോതി മല്‍ഹോത്രയുമായി ബന്ധം പുലർത്തിയ യുവാവ് ചാരവൃത്തിയിൽ ഏർപ്പെട്ടു എന്നതിന് തെളിവുകൾ ലഭിച്ചിട്ടുണ്ടെന്ന് പോലീസ് പറഞ്ഞു.
റൂപ്പ്നഗർ ജില്ലയിലെ മഹ്ലാൻ ഗ്രാമവാസിയായ ജസ്ബീർ സിംഗ് ആണ് പോലീസ് പിടിയിലായത്.
ഇയാൾ ‘ജാൻ മഹൽ’ എന്ന പേരിൽ ഒരു യൂട്യൂബ് ചാനൽ നടത്തുകയായിരുന്നു.
പാകിസ്താൻ ഇന്റലിജൻസ് ഓപ്പറേറ്റീവുമായും ഇയാൾക്ക് ബന്ധം ഉണ്ടായിരുന്നുവെന്ന് പഞ്ചാബ് ഡയറക്ടർ ജനറൽ ഓഫ് പൊലീസ് (DGP) ഗൗരവ് യാദവ് പറഞ്ഞു.
