നോർവേ : നിലവിലെ ലോകചാമ്പ്യനായ ഡി. ഗുകേഷ് പ്രതിസന്ധിയെ അവസരമായി മാറ്റുന്ന തന്റെ ശൈലി തുടരുകയാണ്. നോർവേ ചെസിന്റെ ഏഴാം റൗണ്ടിൽ നടന്ന മത്സരത്തിൽ, ക്ലാസിക്കൽ ഗെയിമിൽ ആദ്യമായി സഹതാരനായ അർജുൻ എരിഗൈസിയെ തോൽപ്പിച്ച്, ഗുകേഷ് ഏകദേശം അപ്രാപ്യമായ സ്ഥാനത്തിൽ നിന്ന് പുറത്തു വരികയായിരുന്നു. ഇതോടെ അദ്ദേഹം ടൂർണമെന്റിൽ രണ്ടാം സ്ഥാനത്ത് എത്തിയ ഏക തരാമായി.
എല്ലാ കളികളിലും കാണുന്ന ഗുകേഷിന്റെ സ്ഥിരതയുള്ള ആത്മവിശ്വാസം, ആറുപേർ ഉൾപ്പെടുന്ന ഈ ഡബിള്‍ റൗണ്ട് റോബിൻ ടൂർണമെന്റിലും പ്രതിഫലിച്ചു. വെള്ള കരുക്കളെ നിയന്ത്രിച്ച ഗുകേഷ്, കളി തുല്യമായ സാഹചര്യത്തിലേക്ക് പോകാതെ തന്നെ, തുടർച്ചയായ രണ്ടാമത്തെ വിജയം സ്വന്തമാക്കി. റൗണ്ട് 2-ൽ എരിഗൈസിയോട് നേരിട്ട തോൽവിക്കുള്ള മധുരപ്രതികാരമായി ഈ വിജയം മാറുകയും ചെയ്തു.
മുൻ ലോകചാമ്പ്യൻ മാഗ്നസ് കാൾസണെ പരാജയപ്പെടുത്തിയതിനു ശേഷമുള്ള താരത്തിന്റെ ആദ്യ നേട്ടമാണിത്.
