വാഷിങ്ടൺ : ഇന്ത്യയും അമേരിക്കയും തമ്മിലുള്ള വ്യാപാര കരാർ നിലവിൽ വരുന്ന കാലം വിദൂരമല്ലെന്നും ഇരു രാജ്യങ്ങളും അനുകൂലമായ നിലയിൽ എത്തിയതായും യുഎസ് വാണിജ്യ സെക്രട്ടറി ഹോവാർഡ് ലട്ട്‌നിക് പറഞ്ഞു.
“ശരിയായ വ്യക്തിയെ അമേരിക്കയും, ശരിയായ പ്രതിനിധിയെ ഇന്ത്യയും ചർച്ചയ്ക്കായി നിയോഗിച്ചപ്പോഴാണ് കാര്യങ്ങൾ വളരെ നല്ല രീതിയിൽ മുന്നോട്ടുപോയത്. ഇപ്പോൾ നാം വളരെ, വളരെ നല്ലൊരു സ്ഥാനത്ത് നിലകൊള്ളുന്നു,” എന്നും തിങ്കളാഴ്ച്ച വാഷിങ്ടണിൽ വെച്ച് നടന്ന അമേരിക്കൻ–ഇന്ത്യൻ സ്ട്രാറ്റജിക് പാർട്ണർഷിപ്പ് ഫോറം ലീഡർഷിപ്പ് സമ്മിറ്റിൽ ലട്ട്‌നിക്ക് പറയുകയുണ്ടായി.
