मुंबई (महाराष्ट्र) [भारत], ७ जून: देशातील अग्रगण्य सार्वजनिक क्षेत्रातील बँक असलेल्या बँक ऑफ महाराष्ट्रने आपल्या महिला व्हॉलीबॉल संघाच्या सदस्य पी. अनन्या श्री हिची आंतरराष्ट्रीय व्हॉलीबॉल स्पर्धेसाठी भारताच्या महिला संघात निवड झाल्याची अभिमानास्पद घोषणा केली आहे. व्हॉलीबॉल फेडरेशन ऑफ इंडियाने तिला AVC Women’s Nations Cup 2025 स्पर्धेसाठी भारताचे प्रतिनिधित्व करण्यासाठी निवडले असून ही स्पर्धा ७ ते १४ जून २०२५ दरम्यान व्हिएतनाममध्ये होणार आहे.
या उल्लेखनीय यशाबद्दल अनन्याचे अभिनंदन करताना बँकेचे व्यवस्थापकीय संचालक व मुख्य कार्यकारी अधिकारी निधू सक्सेना म्हणाले, “अनन्या श्री हिच्या यशाचा आम्हाला अभिमान आहे. आंतरराष्ट्रीय स्तरावर भारताचे प्रतिनिधित्व करण्यासाठी तिची निवड होणे हे बँकेसाठी गौरवाची बाब आहे. तिचे हे यश बँकेत असलेल्या बहुआयामी कौशल्याचे प्रतीक आहे. आम्ही तिच्या आगामी स्पर्धेसाठी आणि उज्वल क्रीडा कारकिर्दीसाठी मनापासून शुभेच्छा देतो.”
अनन्याची निवड ही तिच्या निस्सीम मेहनतीचे, कौशल्याचे आणि खेळातील उत्कृष्टतेचे प्रमाण आहे. कोर्टवरील तिच्या प्रभावी उपस्थितीमुळे आणि सातत्यपूर्ण कामगिरीमुळे ती आपल्या सहकाऱ्यांसाठी प्रेरणास्त्रोत ठरली आहे आणि देशभरातील युवा खेळाडूंना दिशा दाखवणारी आदर्श व्यक्तिमत्त्व झाली आहे.
यासोबतच आणखी एक आनंदाची बातमी म्हणजे, ७० पात्र खेळाडूंमधून बँकेच्या महिला व्हॉलीबॉल संघातील आणखी दोन खेळाडू — जाननी देवेंद्रन आणि मरिया शायबी — यांचीही निवड झाली असून त्या या स्पर्धेच्या टॉप २२ खेळाडूंमध्ये आहेत.
बँकेने खेळ आणि महिलांना प्रोत्साहन देण्यासाठी एक महत्त्वपूर्ण पाऊल उचलले असून कठोर चाचणी प्रक्रियेतून निवड करून महिला व्हॉलीबॉल संघाची स्थापना केली आहे. २६ ऑगस्ट २०२४ रोजी एकूण १२ पात्र खेळाडूंना बँकेच्या सेवेत सामावून घेतले गेले, जो बँक व क्रीडा क्षेत्रासाठी एक ऐतिहासिक क्षण ठरला.
बँक ऑफ महाराष्ट्र या खेळाडूंना आधुनिक सुविधा, अत्याधुनिक प्रशिक्षण व देशातील सर्वोत्कृष्ट प्रशिक्षकांचे मार्गदर्शन देऊन त्यांचे संपूर्ण समर्थन करत आहे. हा उपक्रम बँकेच्या राष्ट्रीय व आंतरराष्ट्रीय स्तरावर उत्कृष्ट खेळाडू घडवण्याच्या दूरदृष्टीचा भाग आहे.
बँक तरुण पिढी, खेळ व विविध क्षेत्रांतील उत्कृष्टतेला प्रोत्साहन देण्याच्या आपल्या भूमिकेवर ठाम असून, कर्मचार्‍यांना त्यांच्या कर्तृत्वासाठी संधी व पाठिंबा देण्याची संस्कृती सातत्याने जोपासते.
(सूचना: वरील प्रसिद्धीपत्रक PNN मार्फत आलेले असून, त्याबाबत PTI कोणतीही संपादकीय जबाबदारी घेत नाही.)
PTI PWR PWR
श्रेणी: ब्रेकिंग न्यूज
SEO टॅग्स: #swadesi, #News, बँक ऑफ महाराष्ट्र, पी. अनन्या श्री, महिला व्हॉलीबॉल संघ, AVC Women’s Nations Cup 2025
